«Kali ŭbačyŭ, jak źniščajuć biełaruski narod, zrazumieŭ»: Siemčanka z prezidenckaha pułu patłumačyŭ, čamu syšoŭ z ANT
Na minułym tydni z telekanała ANT syšoŭ viadoŭca, pradstaŭnik prezidenckaha pułu žurnalistaŭ Dźmitryj Siemčanka. Ciapier jon rastłumačyŭ, što padšturchnuła da takoha rašeńnia.
«Kali ja ŭbačyŭ, jak źniščajuć biełaruski narod, zrazumieŭ, što ŭžo nikoli nie zmahu maŭčać. Inakš budu žyvym trupam! Maja Biełaruś i ludzi, jakija tut žyvuć, dla mianie najvyšejšaja kaštoŭnaść, — napisaŭ jon u Instahramie. — Jak ja mahu havaryć z ekrana pra «narkamanaŭ i biespracoŭnych, jakija zapałanili vulicy», kali našych dziaŭčat hvałtujuć u aŭtazakach, razryvajuć im jaječniki i matki, pazbaŭlajučy mahčymaści stać mamami. Kali chłopcam, jakija lažać na ziamli, bjuć pamiž noh da taho času, pakul tam usio nie pieratvarajecca ŭ miesiva».
Pavodle Siemčanki, jon moh by znajści tysiaču pryčyn apraŭdać siabie, prykrycca stracham za siamju i maleńkaje dzicia, pavieryć kiraŭnikam, jakija abiacajuć pačać pakazvać usiu praŭdu. Ale nie zmoh.
«Kali 50 skalečanych ludziej u maleńkaj kamiery na piaciarych nie mohuć pavarušycca i chodziać pad siabie, a ich pry hetym truciać hazam. Sutkami nie dajuć jeści i pić. Bjuć! Bjuć! Bjuć! Kali ludziej składvajuć adzin na adnaho ŭ try rady i skačuć pa ich, łamajučy ruki, nohi, chrybietniki. Kali rasstrelvajuć biazzbrojnych z padniatymi rukami. Kali dubinkami raźbivajuć škło ŭ mašynie z maleńkim dziciom, taraniać jaho branieviki. Hienacyd, za jaki katy ad svajho hałoŭnakamandujučaha atrymali miedali!», — patłumačyŭ svajo rašeńnie eks-kiraŭnik prezidenckaha pułu.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary