U Astrašyckim Haradku, dzie vučyŭsia Kola, upeŭniena pieramahła Cichanoŭskaja FOTY
Astrašycki Haradok — ahraharadok pad Minskam, u jakim žyvie kala 2500 čałaviek. Jon viadomy za košt dvuch faktaraŭ — tut jość rezidencyja Alaksandra Łukašenki i ŭ miascovaj škole vučyŭsia dzieviać hadoŭ jaho małodšy syn Kola.
U sielsaviecie — a heta litaralna 100 mietraŭ ad škoły Koli — padčas vybaraŭ pracavali dva ŭčastki. Jakija atrymalisia vyniki hałasavańnia?
Učastak №80
- Cichanoŭskaja — 480 (55,7%)
- Łukašenka — 280 (32,5%)
- Suprać usich — 56 (6,5%)
- Ahułam prahałasavała 862 čałavieki, ź ich daterminova — 115 (13,3%), doma — 103 (11,9%).
Učastak №81
- Cichanoŭskaja — 680 (48,7%)
- Łukašenka — 432 (30,9%)
- Suprać usich — 215 (15,4%)
- Ahułam prahałasavała 1396 čałaviek, ź ich daterminova — 180 (12,9%), doma — 122 (8,7%).
Peŭnyja dzivosy ŭ hałasavańni jość.
Pa-pieršaje, hihanckaja dola achvotnych prahałasavać doma. Členy kamisii sa skryniaj chodziać pa chatach u supravadžeńni milicyi ŭ finalny dzień hałasavańnia, zvyčajna paśla abiedu. Abyści bolš za 100 adrasoŭ, asabliva ŭ sielskaj miascovaści, fizična niemahčyma.
Pa-druhoje, na dvuch učastkach dziŭnym čynam adroźnivajecca kolkaść tych, chto prahałasavaŭ suprać usich. Učastki demahrafična padobnyja, u abodva ŭvachodzić šerah vulic Astrašyckaha Haradka, a taksama niekatoryja z susiednich viosak — Marjaliva, Klučniki, Sielišča. Tym nie mienš na adnym učastku takich nabrałasia 6,5%, a na druhim — 15,4%.
Adnak abiedźvie kamisii ŭ vyniku zafiksavali pieramohu Śviatłany Cichanoŭskaj. Kali abjadnać vyniki hałasavańnia na dvuch učastkach, atrymajecca, što apazicyjnaja kandydatka atrymała 51,4% i pieramahała adrazu ŭ pieršym tury.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary