Były ministr abarony Biełarusi, a ciapier dziaržaŭny sakratar Rady biaśpieki Andrej Raŭkoŭ paraŭnaŭ dziejańni hramadzianskaj supolnaści z putčam 1991 hoda, sprobu jakoha raspačali členy Dziaržaŭnaha kamiteta pa nadzvyčajnym stanoviščy (HKČP).
«Antykanstytucyjnyja dziejańni samaabvieščanaha «Dziaržaŭnaha kamiteta pa nadzvyčajnym stanoviščy» pahłybili chaos u hramadstvie, nabliziŭšy raspad niekali mahutnaj dziaržavy. Padobnyja pracesy adbyvajucca siońnia ŭ Biełarusi», — napisaŭ Raŭkoŭ na svajoj staroncy ŭ sietcy Facebook.
Hienierał adznačyŭ, što ŭdzielniki akcyj pratestu zaklikajuć ludziej da mitynhaŭ i strajkaŭ, u vyniku jakich pacierpić ekanomika krainy.
«Častka našych hramadzian pavieryła paradam arhanizataraŭ akcyj pratestu, ale im nie patrebna mocnaja Biełaruś, pamiatajcie pra heta. Imknučysia paviarnuć historyju nazad, jany mohuć źniščyć usio, čaho my dasiahnuli ŭpartaj i štodzionnaj pracaj», — papiaredziŭ Raŭkoŭ.
Kamientary