Karespandent NN pacikaviŭsia ŭ pres-słužbie Minskaha traktarnaha zavoda, ci maje administracyja MTZ dačynieńnie da źjaŭleńnia AMAPa kala prachadnoj ranicaj 19 žniŭnia.
«Za AMAP ja nie adkazvaju. Kamientavać jaho dziejańni nie mahu», — adkazała pres-sakratar MTZ Julija Dylanok.
Taksama my paprasili prakamientavać infarmacyju pra toje, što ŭsim udzielnikam stački na zavodzie, jakija napisali zajavy na adpačynak za svoj košt, anulavali propuski na terytoryju. «Heta absalutna narmalnaja praktyka, ničoha nadzvyčajnaha. Taki paradak uviedzieny pastanovaj z 2018 hoda», — adkazała pres-sakratar.
Taksama Julija Dylanok zapeŭniła, što nijakaha cisku na rabočych z boku administracyi zavoda zaraz niama i nijakich represij u dačynieńni da tych, chto choča dałučycca da stački, nie budzie. «Usio ŭ ramkach zakanadaŭstva», — adznačyła jana.
Siońnia ranicaj kala prachadnoj MTZ źjaviŭsia AMAP. Siłaviki razahnali akcyju ŭ padtrymku zabastoŭki na zavodzie, niekalki čałaviek byli zatrymanyja. Suprać ich raspačatyja administratyŭnyja spravy.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar16
Kamientary