Dzianis Dudzinski, Lavon Šyryn i Volha Ryžykava pieraśpiavajuć pa-biełarusku adzin z svaich hitoŭ z albomu «Bum‑bum» — L'amore non esiste.
U prajekcie «Tuzin. Pierazahruzka» internet‑partału «Tuzin Hitoŭ» i hramadzkaj kampanii «Budźma biełarusami» biare ŭdzieł samaja viadomaja italjanskamoŭnaja hrupa Biełarusi — Da Vinci.
Dzianis Dudzinski, Lavon Šyryn i Volha Ryžykava majuć pieraśpiavać adzin z svaich hitoŭ z albomu «Bum‑bum» — L'amore non esiste.
«Sens našaha ŭdziełu vielmi prosty — my biełarusy, tut žyviem i chočam praśpiavać urešcie na svajoj movie dy pahladzieć, jak heta ŭsprymie publika», — kažuć muzyki.
Da Vinci paŭstaŭ z duetu Leanid Šyryn i Dzianis Dudzinski try hady tamu. Da viadomaha kampazytara i aranžyroŭščyka, što padyhryvaŭ nia mienš viadomamu radyjo‑ i televiadučamu, dałučyłasia jašče śpiavačka Dana (Volha Ryžykava, nie z hurta «Impet»). Takim čynam sfarmavałasia pap‑rok tryjo «Da Vinci», što vyrašała śpiavać vyklučna pa‑italjansku. Zhaładniełyja na jakasnuju ajčynnuju (niebiełaruskamoŭnuju) muzyku FM‑ctancyi adrazu ž uzialisia krucić tvory hetaha hurtu nia tolki ŭnoč, ale i ŭdzień, što tolki padmacavała muzykaŭ u słušnaści abranaha šlachu. Nia dziva, što pieśni kamandy z ekzatyčnaj Biełarusi źjavilisia i ŭ italjanskaj FM‑prastory.
Pazaletaś hurt vydaŭ na kampanii Vigma svoj debiutny dysk Bum‑Bum i pracuje ciapier nad druhim albomam. Dla prajektu «Tuzin. Pierazahruzka» muzyki abrali pieśniu «L'amore non esiste». Dla ich heta pieršy dośvied pracy ź biełaruskim tekstam, choć adzin z aŭtaraŭ hetaj kampazycyi Leanid Šyryn prajšoŭ sapraŭdnuju škołu biełaruskaha rok‑n‑rołu. Ciaham siami hod (da 1995 hodu) jon byŭ hitarystam, aŭtaram muzyki i aranžyroŭščykam piesień hurta «Novaje nieba», a ŭ 1992 hodzie navat daŭ adzin kancert u jakaści hitarysta ŭ składzie hurta «Mroja». Heta potym jon užo vystupaŭ u składzie hurta Iryna Darafiejevaj i pisaŭ pieśni dla Alaksandra Bujnova. «My z radaściu adhuknulisia na takuju prapanovu, — kaža Leanid. — Sens našaha ŭdziełu vielmi prosty — my biełarusy, tut žyviem i chočam praśpiavać urešcie na svajoj movie dy pahladzieć, jak heta ŭsprymie publika».
Pieraasensoŭvać na biełaruski ład L'amore non esiste uziaŭsia paet, śpiavak i pierakładčyk Aleś Kamocki, jaki ŭ pryvatnaści pierakłaŭ na biełaruskuju narodnyja pieśni Italii (dla prajektu «Byvajcie zdarovy! Bella Ciao») i Japonii (dla albomu Z.Vajciuškieviča «Miesiac i sonca»).
Nastupny ŭdzielnik prajektu budzie pradstaŭleny 17 krasavika.
* * *
U prajekcie «Tuzin. Pierazahruzka» internet‑partału «Tuzin Hitoŭ» i hramadzkaj kampanii «Budźma biełarusami»
biaruć udzieł 12 ajčynnych niebiełaruskamoŭnych vykanaŭcaŭ roznych stylaŭ,jakich łučyć aryhinalnaść materyjału, prafesyjnaść u muzyčnym padychodzie i žadańnie ekśpierymentavać. Kožny ź ich pierazapiša adzin z svaich hitoŭ u biełaruskamoŭnym varyjancie, vykananym prafesyjnym pierakładčykam. Usie pieśni buduć prezentavanyja na staronkach music.fromby.net i budzma.org
Kamientary