Dyrektar Instytuta sacyjałohii patrabuje vybačeńniaŭ ad BiełTA, bo ad jaho imia apublikavali fejk
Dyrektar Instytuta sacyjałohii Hienadź Koršunaŭ zajaviŭ, što dziaržaŭnaje infarmacyjnaje ahienctva BiełTA prypisała jamu słovy, jakija jon nie kazaŭ. Navukoviec patrabuje vybačeńniaŭ i vydaleńnia naviny z sajta BiełTA.
U paniadziełak, 1 červienia, prachodziŭ kruhły stoł, arhanizavany BiełTA i Biełaruskim instytutam stratehičnych daśledavańniaŭ.
Praź dzień, 3 červienia, BiełTA apublikavaŭ šerah navinaŭ ź mierapryjemstva, u tym liku z vykazvańniami Koršunava.
Čytajcie:
Dyrektar Instytuta sacyjałohii: Zaklikajem arhanizataraŭ anłajn-apytańniaŭ zadumacca, u što vylivajecca ich «sacyjałohija»
Adnak sacyjołah śćviardžaje, što nie kazaŭ hetych słovaŭ.
«Učora ja, na žal, byŭ na pachavańni i vypaŭ ź infarmacyjnaha pola.
Kali ja ŭklučyŭ telefon, to byŭ źbiantežany patokam infarmacyi, źviazanaj ź nibyta maim intervju, što apublikavała BiełTA. Aficyjna zajaŭlaju, što tekst, padpisany maim proźviščam, mnoju nie pisaŭsia i nie pramaŭlaŭsia.
Pretenzii BiełTA vykazanyja, ja čakaju źniaćcia materyjału z sajta i patrabuju vybačeńniaŭ ad BiełTA», — napisaŭ Hienadź Koršunaŭ u fejsbuku.
«Siońnia ja pazvaniŭ u BiełTA, hałoŭny redaktar Iryna Akułovič paabiacała, što budzie pravierka. Artykuł jany zdymuć i niejkaje vybačeńnie pastaviać, — patłumačyŭ Koršunaŭ karespandentu «Našaj Nivy».
— Bo słovy nie maje. Chto ich kazaŭ, ja nie pamiataju. Nie viedaju navat, ci hučali jany padčas samoha kruhłaha stała, bo i da jaho, i paśla byli razmovy ŭdzielnikaŭ z žurnalistami. Heta mahło prahučać i nie kankretna za stałom».
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary