Dahiestan raskryŭ statystyku pnieŭmanij. Śmiarotnaść ad COVID vyjaviłasia zanižanaja ŭ 24 razy
657 čałaviek pamierli ad pazabalničnych pnieŭmanij u 3-miljonnym Dahiestanie.
Pra heta paviedamiŭ ministr achovy zdaroŭja hetaj rasijskaj aŭtanomii Džamałudzin Hadžyibrahimaŭ u čas žyvoha efiru ŭ Instagram z błohierom Rusłanam Kurbanavym.
U toj ža čas ad COVID-19 u Dahiestanie pa aficyjnych źviestkach pamierli tolki 27 čałaviek, abo ŭ 24 razy mienš.
Usiaho, pa słovach ministra, u aŭtanomii zarehistavali 13 697 chvorych na COVID-19 i pazabalničnyja pnieŭmanii. Zarehistravanych infikavanych karanavirusam u Dahiestanie — tolki 3280 čałaviek.
Ministr pryznaŭ, što takaja raźbiežka źviazanaja ź niedastatkovym i niedakładnym testavańniem.
Ministr raskazaŭ, što ŭ Dahiestanie ad pnieŭmanii i karanavirusa pamierli bolš za 40 miedykaŭ.
Čytajcie taksama: «Usio pačynałasia jak zvyčajnaja prastuda». Pamior 35-hadovy minčuk, na «karonu» pierachvareła ŭsia jaho siamja
Nasielnictva Dahiestana składaje 3,1 miljona čałaviek.
Pryznańnie dahiestanskaha ministra pakazvaje, nakolki byvaje niedaacenienaj surjoznaść situacyi z COVID-19 praz chavańnie statystyki.
Učora hubiernatar Pieciarburha pryznaŭ, što pavyšanaja śmiarotnaść ad pnieŭmanij u horadzie ŭ 10 razoŭ pieravyšaje aficyjnuju śmiarotnaść ad karanavirusa.
Raniej žurnalisty vyjavili, što śmiarotnaść u Maskvie ŭ sakaviku-krasaviku pieravysiła siaredniuju za minułyja hady na 1800 čałaviek.
Asnoŭnaja častka pazabalničnych pnieŭmanij ciapier va ŭsich krainach, dzie epidemija, — kavidnyja. Zvyčajnyja ličby pnieŭmanij u hety pieryjad hoda ŭ dziasiatki razoŭ nižejšyja.
Z daśledavańniaŭ navukoŭcaŭ viadoma, što mienš čym u 20% chvorych na karanavirus raźvivajecca pnieŭmanija. Realnaja kolkaść nośbitaŭ karanavirusa prykładna ŭ 6—7 razoŭ pieravyšaje kolkaść pnieŭmanij.
Statystyka zachvorvańnia na pnieŭmanii ŭ Biełarusi dahetul chavajecca. Tolki ŭ Viciebskaj vobłaści miascovyja ŭłady raskazałi, što za krasavik tam zarehistravana kala 5000 virusnych pnieŭmanij.
Aficyjnyja ličby śmierciaŭ ad karanavirusa ŭ Rasii nižejšyja, čym u jeŭrapiejskich krainach, navat samych paśpiachovych u zmahańni z pandemijaj. Pa aficyjnych źviestkach, u Rasii ad COVID-19 pamierła bolš za 2500 čałaviek. Pryznańni ŭładaŭ Pieciarburha i Dahiestana pakazvajuć, što realnyja ličby śmiarotnaści, navat niahledziačy na karancinnyja miery i admienu pracoŭnych dzion na bolš čym miesiac, u Rasii mohuć u dziasiatki razoŭ pieravyšać aficyjna abvieščanyja.
Ciapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia7
Kamientary