Teatr11

Opiernamu artystu Viktaru Čarnabajevu — 90 hod

Narodnamu artystu Biełarusi lehiendarnamu salistu opiery Viktaru Čarnabajevu siońnia spaŭniajecca 90 hadoŭ, paviedamlaje BiełTA. 

Viktar Čarnabajeŭ naradziŭsia 16 maja 1930 hoda ŭ Novarasijsku. Jaho baćka pracavaŭ na narychtoŭcy lesu i časta braŭ syna z saboj u hory. Chłopčyku padabalisia hetyja padarožžy, ale bolš junaha Viktara pryciahvała mora, tamu paśla zakančeńnia škoły jon vyrašyŭ pastupać u marachodnaje vučylišča. Adnak maram nie nakanavana było spraŭdzicca: pačałasia Vialikaja Ajčynnaja vajna, siamja była evakujavanaja ŭ Krasnadar.

Paśla vajny piatnaccacihadovy Viktar pajšoŭ na blašana-štampavalny zavod tokaram i adnačasova pastupiŭ u viačerniuju škołu, dzie braŭ udzieł u mastackaj samadziejnaści, bo vielmi lubiŭ śpiavać.

Skončyŭšy siem kłasaŭ, Viktar Čarnabajeŭ pastupiŭ u muzyčnaje vučylišča, a praz hod jaho nakiravali ŭ muzyčnaje vučylišča pry Maskoŭskaj kansiervatoryi. U 1950 hodzie jaho pryzvali ŭ vojska i adpravili ŭ jakaści salista ŭ Ansambl pieśni i tanca Maskoŭskaj vajskovaj akruhi.

Paśla demabilizacyi Viktara Čarnabajeva zaprasili ŭ Dziaržaŭny akademičny Vialiki teatr opiery i baleta Biełarusi. Tut artyst stvaryŭ mnostva raznapłanavych vobrazaŭ. Pieršaj jaho pracaj u teatry była nievialikaja partyja Varažskaha hościa ŭ opiery «Sadko». Zatym — Daniła ŭ opiery «Alesia» Jaŭhiena Cikockaha, Hadleŭski ŭ «Jasnym dośvitku» Alaksieja Turankova, Taras u «Kalučaj ružy» Juryja Siemianiaki, Miefistofiel u «Faŭście» Šarla Huno, Don Bazilia ŭ «Sievilskim cyrulniku» Džaakina Rasini, Kutuzaŭ u «Vajnie i miry» Siarhieja Prakofjeva.

Słuchać i bačyć Viktara Čarnabajeva ŭ opiernych śpiektaklach i kancertnych prahramach paščaściła nie adnamu pakaleńniu amataraŭ muzyki. Tolki ŭ Nacyjanalnym akademičnym Vialikim teatry opiery i baleta Biełarusi jon śpiavaŭ bolš za 50 hadoŭ — z 1958-ha pa 2011 hod.

Z 1964 hoda Viktar Čarnabajeŭ nosić zvańnie narodnaha artysta Biełarusi.

Za značny ŭkład u raźvićcio biełaruskaha opiernaha mastactva ŭ 2001 hodzie Viktar Čarnabajeŭ byŭ uznaharodžany miedalom Francyska Skaryny.

Kamientary1

Ciapier čytajuć

«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič2

«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič

Usie naviny →
Usie naviny

Radzina: Cichanoŭskaja chłusić pra abstaviny vyjezdu ź Biełarusi ŭ žniŭni 202081

Na Kurščynie ŭkraincy źbili rasijski źniščalnik Su-353

Nie pišycie listy palitviaźniam u kałonii, heta biessensoŭna27

Zialenski: Kiroŭcy fur, ź jakich atakavali vajskovyja aeradromy ŭ Rasii, nie viedali pra apieracyju «Pavucińnie»1

Kolki kaštujuć jahady, harodnina i sadavina na «Kamaroŭcy»5

U Biełarusi niama bulby, a ŭ Japonii deficyt rysu1

Zialenski raskazaŭ, čyja zbroja vykarystoŭvałasia ŭ apieracyi «Pavucińnie»

Lisa pierajšła darohu na zialonaje ŭ Hrodnie VIDEA

U minskaj kramie pradajuć «narviežski» syr ad biełaruskaha vytvorcy pa 160 rubloŭ za kiłahram9

bolš čytanych navin
bolš łajkanych navin

«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič2

«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič

Hałoŭnaje
Usie naviny →

Zaŭvaha:

 

 

 

 

Zakryć Paviedamić