Eks-deputatka Pałaty pradstaŭnikoŭ Hanna Kanapackaja zajaviła pra svoj udzieł u prezidenckich vybarach. Meta jaje kampanii — mirnaje refarmavańnie sistemy dziaržaŭnaha kiravańnia i ekanomiki na karyść hramadzian Biełarusi, piša Tut.by.
Na pres-kanfierencyi, jakuju Kanapackaja simvalična sabrała ŭ «Prezident-hateli», eks-deputatka zajaviła, što situacyja apošnich miesiacaŭ tolki abvastryła daŭno isnujučyja prablemy ŭ hramadstvie i prademanstravała niazdolnaść dziaržavy abaranić svaich hramadzian, zabiaśpiečyć upeŭnienaść u zaŭtrašnim dni, dać sacyjalnyja harantyi i mahčymaść atrymlivać svoječasovuju dapamohu, być zabiaśpiečanymi svoječasovaj infarmacyjaj.
— Jak vynik takoj palityki my bačym ciapier poŭny kryzis davieru da ŭłady z boku biełarusaŭ, asabliva ŭ rehijonach. Ja nie chaču być starońniaj naziralnicaj za hetymi destruktyŭnymi pracesami, ja chaču ŭpłyvać na pracesy i refarmavać ich, — zajaviła Kanapackaja.
Eks-deputatka adznačyła, što siońnia važna stvarać realnyja instrumienty padtrymki i raźvićcia miascovaha biznesu, jaki moža stać drajvieram rostu ekanomiki i zabieśpiačeńnia samazaniataści biełarusaŭ, asabliva ŭ rehijonach.
— Ja jak žančyna-palityk nie padzialaju kaštoŭnaść mužčynskich cacak, što demanstrujuć siłu i ŭładu, jakija pryjšli da nas z savieckaha minułaha. Dla mianie važnyja čałaviečnaść, dobrasusiedstva, palityčny niejtralitet, svaboda. Ja nie abiacaju, a rablu i niasu adkaznaść za vynik, — adznačyła Kanapackaja.
Kankretny farmat kampanii deputatka budzie vyznačać i karektavać u zaležnaści ad situacyi ŭ krainie naohuł i ad vyniku razhladu jaje čarhovaha zvarotu ab niekanstytucyjnaści pryznačeńnia prezidenckich vybaraŭ siomym i, jak ličyć Kanapackaja, nielihitymnym składam Pałaty pradstaŭnikoŭ.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2020
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes20
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary