Na 57-m hodzie žyćcia ad ciažkaj chvaroby pamierła Paŭlina Surviła, prafiesar amerykanskaha Wartburg College (štat Ajova), vykanaŭčy dyrektar Centra biełaruskich daśledavańniaŭ u Kanzasie, siabra Rady BNR, paviedamlaje «Radyjo Svaboda».
Praz karancinnyja zachady jejnaja maci, staršynia Rady BNR Ivonka Surviła, nie moža raźvitacca z dačkoj.
Paŭlina (poŭnaje imia — Paŭlina Maryja) Surviła naradziłasia 2 lutaha 1964 hoda ŭ Madrydzie, dzie ŭ toj čas jaje baćki — Ivonka Surviła (Šymaniec) i Janka Surviła rabili biełaruskija prahramy na ispanskim radyjo. Była druhim dziciom u siamji (jaje siastra Hania na try hady starejšaja). «Jany z samaha malenstva prysutničali ŭsiudy, dzie štości biełaruskaje rabiłasia», — pryhadvała paźniej pra svaich dziaciej u interviju «Radyjo Svaboda» staršynia Rady BNR Ivonka Surviła.
Paŭlina słužyła muzykantam u kanadskim vojsku, skončyła ŭniviersitet, mahistarskuju pracu pisała pra biełaruskuju dyjasparu. Abaraniła doktarskuju dysiertacyju. Apošnija hady była prafesaram Vartburskaha koledžu (štat Ajova) i vyvučała prablemy farmavańnia nacyjanalnaj identyčnaści ŭ postsavieckaj Biełarusi. Aŭtar navukovych pracaŭ i knih, pryśviečanych biełaruskaj muzycy, adna ź ich — «Pra rusałak i rok-śpievakoŭ» — pryśviečanaja sučasnym vykanaŭcam.
Paŭlina Surviła była vykanaŭčym dyrektaram stvoranaha ŭ 2007 hodzie vice-prezidentam Paŭdniova-zachodniaha kaledžu Džejmsam Šepardam i pieršym ambasadaram ZŠA ŭ Biełarusi Devidam Suorcam Centru biełaruskich daśledavańniaŭ u Kanzasie (ZŠA), pieršaj akademičnaj ustanovy ŭ ZŠA, jakaja zajmałasia vyvučeńniem vyklučna Biełarusi.
Paŭlina Surviła była siabram Rady BNR i šmat rabiła dla abjadnańnia biełaruskaj dyjaspary na paŭnočna-amierykanskim kantynencie.
U Paŭliny Surviły zastaŭsia muž Eryk, prafiesar muzyki, muzyka, i dva syny 20 i 22 hadoŭ.
* * *
Udakładieńnie. U pačatkovaj viersii artykuła pamyłkova paviedamlałasia, što P.Survile było 55 hadoŭ, a nie 56.
Ciapier čytajuć
«Źnik bieź źviestak» vielmi małady biełaruski najomnik12
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny77
Kamientary