Čały raskazaŭ, za kaho hałasavaŭ na prezidenckich vybarach

Za kaho Čały hałasavaŭ na ŭsich nastupnych prezidenckich vybarach? Pra heta jon raskazaŭ u prahramie «Tok» z Nastaśsiaj Roŭdaj.

Pavialičyć

— U 2001-m ja hałasavaŭ za Hančaryka. Chacia tady ja paznajomiŭsia ź Milinkievičam, jon uznačalvaŭ štab Domaša. Ja ŭsurjoz raźličvaŭ, što Domaš moža stać kandydatam, ja navat razhladaŭ mahčymaść prapanavać svaje pasłuhi, bo heta sapraŭdy byŭ kandydat, za jakoha možna było ŭziacca. U jaho była dobraja historyja, jon dobra vyhladaŭ, jon rehijanał, jaho bijahrafiju možna było zrabić častkaj prahramy, kali b jon staŭ pieršym adzinym — tady ž upieršyniu źjaviłasia ideja adzinaha kandydata. Potym, kali atrymaŭsia partyjny dziejač, heta ŭsich zasmuciła.

Paśla hałasavaŭ za Milinkieviča — prosta ja ŭžo asabista byŭ ź im znajomy. U 2010 hodzie ja hałasavaŭ za Michaleviča. Ja razumieju, što vybar davoli dziŭny…

— Patłumačcie.

— U nas ža jak pracuje: kožnyja novyja vybary — heta šmat u čym admaŭleńnie papiarednich. Što takoje 2010 hod? «My nie budziem takija, jak Milinkievič, my budzie bolš rašučyja ŭ płanie Płoščy, my pojdziem da kanca». Pry hetym kali zadaješ pytańni: a što ž vy budziecie rabić na choładzie, kali da vas pryjdzie, naprykład, 100 tysiač čałaviek? — «Niavažna».

U «Saŭzparku» jość sieryja pra hnoma ź biznes-płanam: punkt 1 — źbirajem brudnaje adzieńnie, punkt 2 — try pytalniki, punkt 3 — profit. «Źbirajem ludziej na Płošču — 3 pytalniki — profit» — taki byŭ biznes-płan. Usie byli aśleplenyja hetaj idejaj.

My ŭžo tady z Alesiem Michalevičam raspracoŭvali ideju — jana prosta nie była zaŭvažana — jakraz «mirnych pieramien», jakaja paśla raźvivałasia.

— Znajomy słohan!

— Kaniečnie! Hetaja ideja była narodžanaja mienavita tady, jana była vypracavana jak antyteza. Pryčym nie jasna było, čym heta ŭsio skončycca. Toje, što «kryvavaja niadziela» adbyłasia, — dyk da hetaha i išło. Było šmat zvanočkaŭ, jakija kazali, što da hetaha sprava idzie, što siłavy varyjant stanovicca bolš prymalnym, što zadača siłavikoŭ — napužać prezidenta, a paśla jaho ž vyratavać i raskazvać: «Nu, ty ž razumieješ, što my ciabie ad revalucyi vyratavali — ty nam ciapier vinien, abaviazany svaim abrańniem!» Što i adbyłosia. Tamu ja hałasavaŭ za Michaleviča jak za čyściniu ekśpierymientu.

— I 2015-y — za Karatkievič, bo mirnyja pieramieny?

— Tak, heta praciah hetaj dumki.

0:35 — pra ŭzrost,

3:29 — jak Čały staŭ nudystam,

5:57 — ci jość prablemy z ałkaholem,

7:00 — pra «dačku»,

7:26 — navošta ŭstupiŭ u partyju Słavianski sabor «Biełaja Ruś», jakaja vystupała za abjadnańnie Biełarusi, Rasii i Ukrainy,

10:32 — staŭleńnie da biełaruskaha nacyjanalizmu,

12:15 — pra biełaruskuju movu,

13:18 — čamu pajšoŭ u kamandu Łukašenki na vybarach 1994 hoda,

18:20 — jakim byŭ Łukašenka ŭ 1994-m,

22:06 — ci adčuvaje vinu za toje, što dapamahaŭ Łukašenku,

29:05 — pra piaščotnyja žanočyja ruki, jakija akružyli Łukašenku,

31:39 — čym zajmaŭsia padčas pracy ŭ Administracyi prezidenta,

37:36 — jak syšoŭ sa słužby ŭ prezidenta,

39:52 — za kaho hałasavaŭ na vybarach (i čamu za Michaleviča ŭ 2010-m),

43:13 — pra Taćcianu Karatkievič i «Havary praŭdu»,

45:35 — kolki Biełaruś moža pratrymacca ŭ stanie zastoju,

47:39 — čym skončacca tancy ź intehracyjaj,

49:31 — ci bačyć siabie ŭ palitycy,

50:28 — jak pieramahčy Łukašenku na vybarach,

56:44 — čamu zakryłasia «Ekanomika na palcach»,

1:03:54 — jakija try reformy najbolš patrebnyja siońnia Biełarusi,

1:06:04 — što trymaje ŭ Biełarusi,

1:09:10 — Post Scriptum: čamu sastryh doŭhi chvost, jaki nasiŭ na praciahu 16 hod.

• 0
• 0
• 0
• 0
• 0
• 0
• 0
• 0