Nacbank u nastupnym hodzie vypuścić 13 pamiatnych maniet. Siarod ich manieta, pryśviečanaja mastaku Fierdynandu Ruščycu
Nacbank zaćvierdziŭ pieralik pamiatnych maniet, što płanujucca vypuścić u 2020 hodzie.
Jak zaznačaje pres-słužba Nacbanka, stała ŭžo tradycyjaj vypuskać pamiatnyja maniety, pryśviečanyja ptušcy hoda, jakuju vyznačaje hramadskaje abjadnańnie «Achova ptušak Baćkaŭščyny». U 2020-m takoj ptuškaj abrany hłušec. Manieta «Hłušec» stanie 14-j u miežach sieryi pamiatnych maniet «Ptuška hoda».
Vypusk pamiatnych maniet na pryrodaachoŭnuju tematyku budzie taksama praciahnuty vypuskam pamiatnych maniet «Zakaźnik «Sińša» ŭ ramkach sieryi «Zakaźniki Biełarusi».
Taksama buduć vypuščanyja ŭ abaračeńnie pamiatnyja maniety «Letnija vidy sportu. Tenis».
Vypusk pamiatnych maniet budzie pryśviečany jubilejnych dat:
— 75-j hadavinie Pieramohi ŭ Vialikaj Ajčynnaj vajnie;
— 100-hodździu orhanaŭ mytnaj słužby;
— 550-hodździu zdabyćcia cudatvornaj Žyrovickaj ikony Božaj Maci;
— 150-hodździu hadoŭ z dnia naradžeńnia biełaruskaha žyvapisca-piejzažysta Fierdynanda Ruščyca;
— 100-hodździu z dnia zasnavańnia Nacyjanalnaha akademičnaha teatra imia Janki Kupały.
U suviazi z 5-hodździem zasnavańnia Kitajska-Biełaruskaha industryjalnaha parku «Vialiki kamień» buduć vypuščany ŭ abaračeńnie pamiatnyja maniety «Kitajska-Biełaruski industryjalny park «Vialiki kamień».
Tematyka historyka-kulturnych kaštoŭnaściaŭ budzie praciahnutaja pamiatnymi manietami «Barkałabaŭski irmałoj», «Vyjaŭlenčaje mastactva. Avanhard. Unovis», a taksama pamiatnymi manietami sieryi «Architekturnaja spadčyna Biełarusi».
Pavodle kitajskaha kalendara, 2021 hod - hod Byka. Tradycyjna ŭ praciah sieryi «Kitajski kalandar» u 2020 hodzie budzie vypuščana pamiatnaja manieta «Hod Byka».
Kamientary