PiS ź vialikim adryvam pieramahaje na vybarach u Polščy, frykavaja «Kanfiederacyja» prachodzić u Sojm
Kiroŭnaja kansiervatyŭnaja partyja «Prava i spraviadlivaść» ź vialikim adryvam lidziruje na vybarach u Polščy. Pavodle ekzit-połaŭ, jana nabiraje 43,6%.
Libieralnaja «Hramadzianskaja kaalicyja» źbiraje 27,4%, «Lavica» — 11,9%, Polskaja sialanskaja partyja + Kukiz — 9,6%, «Kanfederacyja» libiertaryjancaŭ, nacyjanalistaŭ i jeŭraskieptykaŭ — 6,4%. Varta adznačyć, što Kanfiederacyju ŭznačalvaje ekscentryčny Januš Korvin-Mikie, i apošnim časam jon zdabyŭ padtrymku Rasii, jak i inšyja jeŭrapiejskija radykalnyja palityki.
Jaŭka skłała 61%.
Hramadzianie Polščy abirajuć 460 deputataŭ Sojma (nižniaj pałaty parłamienta) pa praparcyjnaj sistemie, a voś vybary ŭ Sienat prachodziać pa adnamandatnych vybarčych akruhach.
Mandaty ŭ Sojmie raźmiarkoŭvajucca ŭ zaležnaści ad vynikaŭ vybarčych śpisaŭ pa vybarčych akruhach, u vyniku čaho nievialiki bonus atrymlivajuć vialikija partyi. Tak, «Prava i spraviadlivaść» pry svaich 43,6 % hałasoŭ zdabudzie 239 z 460 miescaŭ, što dazvolić jamu sfarmiravać urad adnaasobna. Vysokaja padtrymka partyi tłumačycca vydatnymi ekanamičnymi pakazčykami Polščy i ščodrymi sacyjalnymi prahramami ŭrada. Zołatavalutnyja reziervy krainy pieravyšajuć 100 miljardaŭ dalaraŭ, siaredni zarobak — u dva z pałovaj razu bolšy za biełaruski, urad «PiSa» pačaŭ vypłačvać vialikija dapamohi na kožnaje dzicia.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary