Na feście dranikaŭ u Mahilovie źjeli paŭtony bulby i zataptali vializnaha kałaradskaha žuka FOTY
Na fiestyvali Dranikfest ŭ Mahilovie źjeli paŭtony bulby ŭ vyhladzie dranikaŭ. I pa tradycyi zataptali vializnaha kałaradskaha žuka — dakładniej, jaho mulaž, pieradaje TUT.BY.
Na fiestyvali, jaki adbyŭsia 28 vieraśnia, tancavali biełaruskija tancy, śpiavali biełaruskija pieśni i vybrali miesca ŭ Mahilovie, dzie hatujuć samyja smačnyja draniki.
«Heta śviata biełaruskaj nacyjanalnaj kuchni i kultury. Choć draniki — u asnovie śviata», — raspavioŭ kiraŭnik Centra haradskich inicyjatyvaŭ Juryj Stukałaŭ.
Piaty pa liku fiestyval naviedali nie mienš za 10 tysiač čałaviek.
Sioleta spaborničali šeść kamand, jakija piakli draniki pa samych roznych recepty. Naprykład, kamanda Mahiloŭskaha dziaržaŭnaha univiersiteta charčavańnia zhatavała na acenku žury «viežu» z dranikaŭ, jakija simvalizujuć roznyja krainy. Pavodle ich zadumki, kali ŭ tradycyjnaje ciesta dla dranikaŭ dadać piatrušku, krop i špinat, draniki buduć zialonaha koleru, jaki simvalizuje lasnuju Biełaruś.
U ciesta dla «polskich» dranikaŭ dadali hryboŭ, dla «niamieckich» — šmat cybuli, dla «sierbskich» — miasnych prypraŭ. Dla «litoŭskich» dranikaŭ dadali ŭ ciesta majanez i jajka. Skłali ŭsie piać roznych dranikaŭ horkaj. Kab prasłaić ich studenty, praŭda, prydumali admysłovy sous z muškatovym arecham. I pasypali ŭsio syram. Hatova!
Ale premiju «Załataja tarka» za samyja smačnyja draniki ŭ horadzie žury prysudziła Restaran «Bar XIX stahodździe».
A ŭ kancy śviata hości tradycyjna zataptali mulaž kałaradskaha žuka, kab nastupny hod byŭ bahatym na ŭradžaj bulby i ŭ Mahilovie znoŭ prajšoŭ Dranikfest, užo šosty pa liku. Arhanizatary spadziajucca zrabić hety fiestyval mižnarodnym.
-
Niamieckija navukoŭcy: piva bahataje na vitamin B6, u tym liku i biezałkaholnaje
-
U Biełarusi — bum na restarany nacyjanalnaj kuchni i jaje novaje pračytańnie
-
Pieršyja biełaruskija kłubnicy, sałodkija iranskija kavuny, «fłaryda bjuci» i navat pieršyja narcysy. Što možna kupić na Kamaroŭcy pierad vialikimi vychadnymi
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču23
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz4545
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz45
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary