Pavieł Biełavus padvioŭ vyniki Symbal.by-festu: 9000 čałaviek, 6000 dalaraŭ
«Nu što, možna padvieści vyniki symbal.by festu, — piša ŭ siabie ŭ fejsbuku Pavieł Biełavus.
— pa infarmacyi «Piasočnicy» — za piać hadzinaŭ śviata placoŭku naviedała kala 9000 čałaviek, heta było samaje masavaje mierapryjemstva na ich terytoryi za 2 hady isnavańnia;
— słužba biaśpieki «Haryzonta» paviedamiła, što była adekvatnaja aŭdytoryja, za mierapryjemstva nie było nivodnaha vykliku milicyi i chutkaj dapamohi;
— u sacyjalnych sietkach my atrymali kala 1000 publikacyj z adznakami kramy ci chešteham #symbalby, najbolš było zroblena storys u instahramie, kala 300;
— my razdali 4000 fłajeraŭ-padarunkaŭ z 20% źnižkaj;
— ahulny biudžet mierapryjemstva skłaŭ kala 6000 dołaraŭ;
— faktyčna aktyŭnuju rekłamu mierapryjemstva my pačali za 5 dzion da daty praviadzieńnia, bo da apošniaha dnia była pahroza zryvu z roznych bakoŭ;
— na mierapryjemstva my nie atrymlivali dazvołaŭ ad dziaržaŭnych orhanaŭ, bo da kanca pryncypova prytrymlivalisia 7 punkta artykuła 213 Kodeksa ab kultury, dzie havorycca, što paśviedčańnie na prava arhanizacyi i praviadzieńnia kulturna-vidoviščnaha mierapryjemstva na terytoryi Respubliki Biełaruś nie patrabujecca, kali kulturna-vidoviščnyja mierapryjemstvy pravodziacca jurydyčnymi asobami, hramadzianami, u tym liku indyvidualnymi pradprymalnikami, dla ŭłasnych patreb biez atrymańnia prybytku (dachodu) z udziełam zaprošanych vykanaŭcaŭ;
— mnie daviałosia pravieści 5 razmovaŭ z roznymi strukturami, ad Minharvykankamu da milicyi, kab dakazać, što našaje mierapryjemstva nie traplaje pad zakon ab masavych mierapryjemstvach, a rehłamientujecca Kodeksam ab kultury, bo ŭ nas «inoje massovoje mieroprijatije — kulturno-zrieliŝnoje v priednaznačiennom dla etoho miestie».
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary