Łukašenka — Zachadu: Vy jašče z nami nie raźličylisia za tuju apošniuju vajnu, jakaja była sparodžanaja vami
Alaksandr Łukašenka pieraścierahaje zachodnija krainy ad paprokaŭ u bok Minska i Maskvy adnosna vykanańnia praŭ i svabod, paviedamlaje interfax.by.
«Kali nas na Zachadzie krytykujuć — raniej bolš, zaraz troški mienš — heta nie tamu, što ŭ ich sumleńnia bolš źjaviłasia, nie. Ja im kažu: vy jašče z nami nie raźličylisia za tuju apošniuju vajnu, jakaja była sparodžanaja vami na našaj terytoryi. A my jašče ad toj ciažkaj vajny za siem dziesiacihodździaŭ nie adnavilisia. Tamu akuratniej z pravami čałavieka, demakratyjaj i inšaj krytykaj, jakuju my čujem, časam nieabhruntavana, u naš adras», — skazaŭ Łukašenka na forumie rehijonaŭ Rasii i Biełarusi ŭ Pieciarburhu.
Pavodle jaho słoŭ, biełarusy i rasijanie prajšli praz mnohija vyprabavańni i razam z honaram ich vytrymali.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju4
Kamientary