Kitajskaja kampanija źbirajecca rabić kaśmietyku ź biełaruskaha biarozavika
Kampanija Nongfu Spring vyvučaje mahčymaść vytvorčaści kaśmietałahičnych srodkaŭ z vykarystańniem biarozavaha soka, narychtavanaha ŭ Biełarusi, paviedamili BiełTA ŭ pres-słužbie Ministerstva lasnoj haspadarki.
Pa słovach haściej z Padniabiesnaj, takaja kaśmietyka karystajecca popytam nie tolki ŭ Kitai, ale i ŭ Japonii. Vytvorca płanuje pašyryć vytvorčyja mahutnaści, adkryć novy zavod, dla čaho nieabchodnyja vialikija abjomy biarozavaha soku.
Jak prainfarmavaŭ kitajskich biźniesmienaŭ načalnik upraŭleńnia vytvorčaści i realizacyi pradukcyi Minlashasa Andrej Mackievič, u hetym siezonie lashasy narychtavali zvyš 17 tys. tonaŭ napoju.
«Biarozavy sok chutka hublaje karysnyja ŭłaścivaści, i nieabchodna pradumać, jak ich zachavać, kab transpartavać na hetak dalokija adlehłaści. Razam z tym kitajski rynak nam, biezumoŭna, cikavy», - padkreśliŭ Mackievič.
Kampanija Nongfu Spring ŭtvorana ŭ 1996 hodzie, źjaŭlajecca daččynaj kampanijaj kitajskaj karparacyi YANG SHENG TANG GROUP, jakaja zajmaje lidzirujučyja miescy ŭ top-500 pryvatnych kampanij krainy. Klučavym napramkam Nongfu Spring źjaŭlajecca realizacyja pryrodnaj pitnoj vady, fruktovych i aharodninnych sokaŭ, napojaŭ śpiecyjalnaha pryznačeńnia, napojaŭ na asnovie harbaty.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać32
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary