Naftahaz Ukrainy hatovy da pieramoŭ z Hazpromam, ale vyklučna ŭ trochbakovym farmacie, z udziełam pradstaŭnikoŭ ES. Pra heta ŭ Facebook napisaŭ kiraŭnik Naftahaza Ukrainy Andrej Kobaleŭ, kamientujučy zajavy kiraŭnika Hazproma Alaksieja Milera ab hatoŭnaści dać Ukrainie 25% źnižku na haz i pravieści pramyja pieramovy adnosna pastavak hazu va Ukrainu i jaho tranzitu.
Akramia taho, Kobaleŭ adznačyŭ, što Naftahaz kuplaje haz u Jeŭropie istotna tańniej, čym Hazprom abaviazany jaho pradavać zhodna z rašeńniem Stakholmskaha arbitražu.
Tak arbitraž abaviazaŭ rasijan pradavać Ukrainie haz u pieršym kvartale 2019 hoda pa $300 za 1000 kubamietraŭ, a ŭ druhim — za $221 za tysiaču kubamietraŭ, ale Hazprom usio roŭna admaŭlajecca heta rabić.
U toj ža čas Naftahaz kuplaje haz u Jeŭropie ŭ pieršym kvartale — pa $259, u druhim kvartale — pa $212, lipieńskaja cana — $178.
Vykanaŭčy dyrektar Naftahaza Juryj Vitrenka nazvaŭ prapanavanuju Alaksiejem Mileram źnižku «iluzornaj».
«Spačatku jany zavyšajuć canu na 100% ad spraviadlivaj rynkavaj cany, a zatym dajuć «skidku» ŭ 24%. Heta na kaho raźličana?» — napisaŭ jon.
Vitrenka nahadaŭ, što Rasija na praciahu doŭhaha času atrymlivała ad Ukrainy apłatu za haz, suma jakoj na $5 młrd pieravyšała abjom srodkaŭ, jaki vypłačvajecca rasijskim bokam ukrainskaj dziaržavie za tranzit.
«Ciapier Rasija płacić za tranzit amal na $1 młrd bolš, čym Naftahaz płacić za ŭvieś impartavany haz. Heta značyć, zaraz hrošy iduć z Rasii va Ukrainu. Heta i nie zadavalniaje RF, jana choča, kab Ukraina našmat mienš atrymlivała za tranzit, čym płaciła Rasii za haz», — adznačyŭ jon.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar11
Kamientary