Namieśnik staršyni Abjadnanaj hramadziannskaj partyi Jarasłaŭ Ramančuk, kali kazaŭ pra zadačy partyi ŭ sučasnych umovach, nia vyklučyŭ taho, što ŭžo nieŭzabavie AHP moža stać partyjaj… ułady.
Namieśnik staršyni Abjadnanaj hramadziannskaj partyi Jarasłaŭ Ramančuk, kali kazaŭ pra zadačy partyi ŭ sučasnych umovach, nia vyklučyŭ taho, što ŭžo nieŭzabavie AHP moža stać partyjaj… ułady.
«Kali ŭžo kiraŭnictva Biełarusi pastaviła pytańnie pra nieabchodnaść farmavańnia partyi ŭłady, to AHP bačyć u sabie patencyjał i hatovaja prezentavać krainie dakumenty (zaŭv. – Prahramu) i bačańnie, kab takoj partyjaj stać,» – zajaviŭ Ramančuk.
Jon stanoŭča acaniŭ toj fakt, što ŭłada ŭvohule pačała havorku na hetuju temu. A napiaredadni niaprostaj ekanamičnaj sytuacyi, na dumku palityka, nia varta było b padzialać partyi na «svaje» i «apazycyjnyja».
«Ja dumaju, što samo ŭśviedamleńnie taho, što takaja partyja patrebnaja – heta ŭžo dobra samo pa sabie. A pakolki nam pahražaje davoli vialikaje ekanamičnaje ŭzrušeńnie ŭ vyhladzie vysokich koštaŭ na haz i naftu, to ŭ hetaj sytuacyi budzie nie da taho, kab padzialać partyi dy ekspertaŭ na «svaje» dy «čužyja», apazycyjnyja i ŭładnyja. Tady treba budzie narešcie pryjści da absalutna zrazumiełaha i prymalnaha ŭ cyvilizavanym śviecie pryncypu: ty – prafesijanał, ty – adekvatny sytuacyi, prapanuješ dobryja ŭzvažanyja rašeńni,» – patłumačyŭ Ramančuk.
Jon adciemiŭ, što ŭ krainie dastatkovaja kolkaść čynoŭnikaŭ, jakija «zachrasnuli ŭ eposie hłybokaha marazmatyčnaha marksyzmu», i jakim «varta prosta čym chutčej syści» sa svaich pasadaŭ.
«Hetaje ačyščeńnie patrebnaje, najpierš, uładzie, i my možam dapamahčy zamianić tyja kadry, jakija vidovočna zaviali krainu ŭ tupik,» – pierakanany namieśnik staršyni AHP.
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary