Намесьнік старшыні Аб’яднанай грамадзяннскай партыі Яраслаў Раманчук, калі казаў пра задачы партыі ў сучасных умовах, ня выключыў таго, што ўжо неўзабаве АГП можа стаць партыяй… улады.
Намесьнік старшыні Аб’яднанай грамадзяннскай партыі Яраслаў Раманчук, калі казаў пра задачы партыі ў сучасных умовах, ня выключыў таго, што ўжо неўзабаве АГП можа стаць партыяй… улады.
«Калі ўжо кіраўніцтва Беларусі паставіла пытаньне пра неабходнасьць фармаваньня партыі ўлады, то АГП бачыць у сабе патэнцыял і гатовая прэзэнтаваць краіне дакумэнты (заўв. – Праграму) і бачаньне, каб такой партыяй стаць,» – заявіў Раманчук.
Ён станоўча ацаніў той факт, што ўлада ўвогуле пачала гаворку на гэтую тэму. А напярэдадні няпростай эканамічнай сытуацыі, на думку палітыка, ня варта было б падзяляць партыі на «свае» і «апазыцыйныя».
«Я думаю, што само ўсьведамленьне таго, што такая партыя патрэбная – гэта ўжо добра само па сабе. А паколькі нам пагражае даволі вялікае эканамічнае ўзрушэньне ў выглядзе высокіх коштаў на газ і нафту, то ў гэтай сытуацыі будзе не да таго, каб падзяляць партыі ды экспэртаў на «свае» ды «чужыя», апазыцыйныя і ўладныя. Тады трэба будзе нарэшце прыйсьці да абсалютна зразумелага і прымальнага ў цывілізаваным сьвеце прынцыпу: ты – прафэсіянал, ты – адэкватны сытуацыі, прапануеш добрыя ўзважаныя рашэньні,» – патлумачыў Раманчук.
Ён адцеміў, што ў краіне дастатковая колькасьць чыноўнікаў, якія «захраснулі ў эпосе глыбокага маразматычнага марксызму», і якім «варта проста чым хутчэй сысьці» са сваіх пасадаў.
«Гэтае ачышчэньне патрэбнае, найперш, уладзе, і мы можам дапамагчы замяніць тыя кадры, якія відовочна завялі краіну ў тупік,» – перакананы намесьнік старшыні АГП.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў4
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары