Sud u Viciebsku zmusiŭ milicyjantaŭ vypłacić aktyvistu 8,72 rubla za źniščany na BNR-100 ściah
Sud Pieršamajskaha rajona Viciebsku tolki častkova zadavoliŭ pazoŭnyja patrabavańni Mikoły Kačurca, jaki prasiŭ spahnać z Kastryčnickaha RAUS 42 rubli za źniščany ŭ 2018 hodzie bieł-čyrvona-bieły ściah, paviedamlaje vitebskspring.org Sudździa Alena Savickaja acaniła škodu na 8 rubloŭ 30 kapiejek.
Pavodle rašeńnia sudu, milicyja musić taksama spłacić aktyvistu častku sudovych vydatkaŭ — 42 kapiejki. Ahułam atrymlivajecca 8,72 rubla. Hetaja suma budzie vypłačanaja z respublikanskaha biudžetu.
Na sudovym pasiedžańni 24 krasavika Mikoła Kačurec dakumentalna abhruntavaŭ košt pryčynienaj škody (42 rubli). Pradastaviŭ sudu prajs ź internet-kramy Symbal.by, dzie bieł-čyrvona-bieły ściah kaštuje 20 rubloŭ, a taksama — dakumienty ab koštach dreŭka (palimiernaj truby) i kvitkoŭ dla pajezdki da Miensku i nazad.
Ale akazałasia, što pry vyznačeńni sumy kampiensacyi sudździa Alena Savickaja kiravałasia vyklučna ličbami, jakija sud sam atrymaŭ praz zapyty ŭ viciebski ŭniviermah, na šviejnaje pradpryjemstva «Trud-Viciebsk» i ŭ «Dom santechniki».
Pavodle atrymanaj infarmacyi, tkaninu dla ściaha (0,5×1,5) možna kupić za 1,39 rubla, pašyć ściah — za 2,50 rubla, nabyć trubu dla dreŭka — za 4,41 rubla. Ahułam — 8 rubloŭ 30 kapiejek.
Takim čynam, pavodle padlikaŭ sudździ, košt pryčynienaj škody za źniščany bieł-čyrvona-bieły ściah akazaŭsia navat mienšy za sumu, jakuju prapanoŭvaŭ zapłacić adkazčyk.
U 2018 hodzie na Dzień Voli Mikoła Kačurec vyjšaŭ ź bieł-čyrvona-biełym ściaham da pomnika kniaziu Alhierdu ŭ Viciebsku, byŭ zatrymany i aštrafavany Kastryčnickim sudom na 30 b.v. (č.2 art. 23.34 KaAP i 23.4 KaAP). Abłasny sud pakinuŭ pastanovu bieź źmienaŭ. Ale 25 žniŭnia staršynia abłsuda admianiŭ rašeńnie Kastryčnickaha suda i nakiravaŭ administracyjnuju spravu na novy razhlad. 27 kastryčnika jana była skasavanaja ŭ suviazi sa skančeńniem terminu administracyjnaha pakarańnia.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary