Prezident Rasii Uładzimir Pucin padpisaŭ ukaz ab sproščanym paradku atrymańnia rasijskaha hramadzianstva dla žycharoŭ h.zv. Danieckaj i Łuhanskaj narodnych respublik.
Dakumient praduhledžvaje, što zajavu ab pryjomie ŭ hramadzianstva ad žycharoŭ samaabvieščanych respublik pavinna razhladacca nie daŭžej za try miesiacy.
Sproščany paradak atrymańnia hramadzianstva dazvalaje atrymać rasijski pašpart biez pražyvańnia ŭ Rasii na praciahu piaci hadoŭ paśla atrymańnia dazvołu na žycharstva, paćvierdžańnia najaŭnaści srodkaŭ na žyćcio, paćvierdžańnia vałodańnia ruskaj movaj i admovy ad hramadzianstva zamiežnaj dziaržavy.
U ahulnym paradku rašeńnie ab davańni hramadzianstva prymaje prezident Rasii, u suviazi z čym termin razhladu dakumientaŭ moža dasiahać adnaho hoda, a ŭ sproščanym paradku — orhany MUS na praciahu 3-6 miesiacaŭ.
Raniej žychary tak zvanych «ŁNR» i «DNR» mahli atrymać pašpart tolki ŭ ahulnym paradku — jak i inšyja hramadzianie Ukrainy.
Ukaz ustupaje ŭ siłu z dnia aficyjnaha apublikavańnia.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar20
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku44
Kamientary