Stali viadomyja pieramožcy Premii Ciotki

Žury abviaściła vyniki premii za najlepšuju knihu dla dziaciej i padletkaŭ.

Sioletnimi łaŭreatkami Premii Ciotki zrabilisia Viera Burłak, aŭtarka knihi vieršaŭ «Fantaziurki» (u naminacyi «Najlepšaja dziciačaja kniha»), i mastačka Kaciaryna Dubovik, jakaja prailustravała knihu Nadziei Jaśminskaj «Čamu Mieša nie maje chaty» (u naminacyi «Najlepšaje mastackaje afarmleńnie»). Cyrymonija ŭznaharodžańnia prajšła 6 krasavika ŭ kulturnym chabie OK16 padčas Fiestyvalu intelektualnaj knihi «Pradmova».

Pieramožcy ŭ kožnaj z naminacyj atrymali hrašovuju ŭznaharodu, ekvivalentnuju 2000$. 

Žury taksama adznačyła najlepšyja pracy ŭ abiedźviuch naminacyjach i skłała adpaviednyja šort-listy.

Litaraturny śpis:

1. Viera Burłak. Fantaziurki. Halijafy, 2018;

2. Piatro Vasiučenka. Dzivosnaje leta panoŭ Kublickaha dy Zabłockaha. Knihazbor, 2018;

3. Natałka Charytaniuk. Kazki staroha Adamkova. Łohvinaŭ, 2018; 

4. Hanna Jankuta. Kot Šprot i tajamnica atrakcyjonaŭ. Januškievič, 2018.

Mastacki śpis:

1. Taćciana Aniščanka — Hanna Hałavina. Letniaja azbuka. Halijafy 2018; 

2. Darja Hančaryk-Čarniaŭskaja — Alaksiej Jakimovič. Pryhody Biełaj Myški. Vydaviecki dom «Źviazda», 2018;

3. Lilija Davydoŭskaja — Hanna Jankuta. Kot Šprot i tajamnica atrakcyjonaŭ. Januškievič, 2018;

4. Kaciaryna Dubovik — Nadzieja Jaśminska. Čamu Mieša nie maje chaty. Knihazbor, 2018;

5. Vola Kuźmič — Natałka Charytaniuk. Kazki staroha Adamkova. Łohvinaŭ, 2018;

6. Andrej Pakroŭski, Vieranika Lemiešava — Viera Burłak. Fantaziurki. Halijafy, 2018;

7. Stasia Sakałoŭskaja — Nadzieja Jasminska. Pacierki i kropli. Januškievič, 2018;

8. Alena Sacuta — Nadzieja Jasminska. Dom cikaŭnych kazak. 

Halijafy, 2018;

9. Marharyta Cichanovič — Maša Čarakova, Džordž Tańnier. Pryhody pavuka. Papury, 2018.

U skład litaraturnaha žury sioleta ŭvajšli Andrej Žvaleŭski, Alena Kazłova (Anka Upała), Nadzieja Kandrusievič-Šydłoŭskaja, Ludmiła Rubleŭskaja i Andrej Chadanovič. Siabrami mastackaha žury byli Vasilisa Palanina, Valeryj Słavuk i Pavieł Tatarnikaŭ.

Premija była zasnavanaja ŭ 2015 hodzie Biełaruskim PEN-centram, fondam «Viartańnie» i Sajuzam biełaruskich piśmieńnikaŭ. Papiarednija pieramožcy premii: Nadzieja Jaśminska, aŭtarka knihi «Siem ružaŭ», i Kaciaryna Dubovik — jaje ilustratarka, a taksama Uładzimir Arłoŭ i Pavieł Tatarnikaŭ z knihaj «Ajčyna: malaŭničaja historyja. Ad Rahniedy da Kaściuški», Valer Hapiejeŭ za knihu «Maja miłaja viedźma» i Lizavieta Lankievič za afarmleńnie «Azbuki» Ryhora Baradulina.

• 0
• 0
• 0
• 0
• 0
• 0
• 0
• 0