Stała viadoma, kolki hramadzian Ukrainy zmoža prahałasavać u Biełarusi na vybarach prezidenta
Kala 13 tysiač ukrainskich hramadzian, jakija majuć prava vybarčaha hołasu, pražyvaje ŭ Biełarusi. Dla ich buduć stvorany dva vybarčyja ŭčastki: u pasolstvie Ukrainy ŭ Minsku i va ŭkrainskim konsulstvie ŭ Breście.
Pra heta, jak piša BiełTA, paviedamiŭ 15 sakavika Nadzvyčajny i Paŭnamocny Pasoł Ukrainy ŭ Biełarusi Ihar Kizim na prezientacyi telekanała «UATV».
Vybarčyja ŭčastki buduć adkrytyja ŭ dzień prezidenckich vybaraŭ 31 sakavika z 8.00 da 20.00. Pasoł źviarnuŭ uvahu, što praktyki daterminovaha hałasavańnia va Ukrainie niama.
Vybarčaja kamisija budzie pracavać štodnia, u tym liku na vychodnych, va ŭkrainskim pasolstvie z 10 da 13 hadzin i z 14 da 17 hadzin. Tut ŭkrainskija hramadzianie, jakija pražyvajuć i znachodziacca ŭ Biełarusi, zmohuć pravieryć najaŭnaść svajho proźvišča ŭ śpisach dla hałasavańnia. Heta možna zrabić i ŭ režymie onłajn.
Ukraincam ŭ Biełarusi, jak i ŭ inšych krainach, možna budzie hałasavać tolki pry najaŭnaści zamiežnaha, dypłamatyčnaha abo słužbovaha pašpartoŭ. Pryjechać u Biełaruś z unutranym ukrainskim pašpartam možna, heta praduhledžana zakanadaŭstvam, ale hałasavać pa takim unutranym dakumiencie za miažoj niemahčyma».
Pasoł padkreśliŭ, što va Ukrainie składzieny rejestr ŭkrainskich hramadzian, jakija majuć prava pryniać udzieł u vybarach. Jon źviarnuŭ uvahu, što ŭnieści źmieny ŭ rejestr možna ŭklučna pa 23 sakavika, za tydzień da vybaraŭ.
Ihar Kizima adznačyŭ, što ŭ chodzie vybaraŭ na vybarčych učastkach mohuć prysutničać členy vybarčaj kamisii, pradstaŭniki ad kožnaha kandydata ŭ prezidenty i tyja, chto hałasuje. «Usie, chto maje namier nazirać za chodam vybaraŭ, nie ŭ zaležnaści ad miesca znachodžańnia vybarčych učastkaŭ — va Ukrainie abo za miažoj, pavinny zahadzia zarehistravacca ŭ CVK Ukrainy», — padkreśliŭ jon.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary