Handlovaja halereja «Vitebsk Plaza» moža adkrycca na miescy zavoda «Kamintern»
U Viciebsku na miescy byłoha zavoda «Kamintern» pabudujuć handlovuju halereju suśvietnaha kłasa «Vitebsk Plaza». Deviełapiery prajekta abiacajuć, što jana budzie istotna adroźnivacca ad inšych handlovych centraŭ, paviedamlajuć «Narodnyja naviny Viciebska».
«Vitebsk Plaza» pavinna źjavicca ŭžo praz dva hady, płošča abjekta dasiahnie 22 tysiač kvadratnych mietraŭ, a 120-mietrovaja aleja z mahčymaściu ahladu dvuch pavierchaŭ złučyć hipiermarkiet, parkoŭku, hastranamičnuju płošču i 80 kram.
Padbor arandataraŭ i asartymientu tavaru, ich zanavańnie budzie budavacca na asnovie madelaŭ pavodzin pakupnikoŭ. Miescaznachodžańnie kožnaha asartymientu ŭ handlovym centry budzie vybiracca z ulikam impulsiŭnych, paraŭnalnych i metanakiravanych pakupnickich pavodzinaŭ.
Uładalniki halerei spadziajucca, što blizkaść handlovaha abjekta da čyhunačnaha i aŭtobusnaha vakzałaŭ pavialičyć terytoryju pryciahnieńnia i pašyryć jaje navat za miežy Viciebskaj vobłaści — da haradoŭ zachodniaj častki Rasii.
Hastranamičnaja płošča ŭ novaj ustanovie pavinna abjadnać mnostva restaranaŭ, natchnionych roznymi kuchniami z usiaho śvietu. Zona «Fud-kort» — heta kuchni z usiaho śvietu z zručnym i chutkim absłuhoŭvańniem, a ŭ zonie «Fud-choł» naviedvalnik znojdzie praduktovy rynak «kuplaj-i-ješ» ź nišavymi bucikami.
Pakolki apošnija niekalki hadoŭ mižnarodnyja handlovyja sietki aktyŭna asvojvajuć rynak Biełarusi i iduć u rehijony dla dalejšaha pašyreńnia, «Vitebsk Plaza» zaprašaje ich u Viciebsk.
— Dla nas handlovy centr — heta bolš, čym budynak i architektura. Heta kamunikacyjny biźnies, scena dla sacyjalizacyi, tvorčaści i zabaŭ, — kaža Łaŭrynas Mituzas, partnior kampanii «SAPUS», jakaja stvaraje kancepcyju i nabor arandataraŭ novaj handlovaj halerei płoščaj 22 000 kvadratnych mietraŭ. Deviełopieram prajekta źjaŭlajecca kampanija «Euro Estates» sa Šviejcaryi, jakaja aktyŭna invieściruje ŭ nieruchomaść u rehijonach Jeŭropy z vysokim patencyjałam.
Novy handlovy centr pavinien adkrycca ŭ 2021 hodzie. Zaraz aktyŭna viaducca raboty pa prajektavańniu, a taksama padrychtoŭka da znosu kałon byłoha zavoda, jakuju pavinny pravieści ŭ traŭni (nahadajem, što asnoŭnaja častka zavoda «Kamintern» źniesiena ŭ maje 2017 hoda). Da kanca 2019 hoda płanujecca pačać budaŭničyja pracy.
-
Palitviaźnia Uładzimira Knihu treci raz buduć sudzić za «złosnaje niepadparadkavańnie» ŭ kałonii
-
Sieviaryniec: My nie pavinny być ružovymi poni i kazać, što my budziem hładzić pa hałavie tych samych kadebistaŭ albo śpiecnazaŭcaŭ, jakija bjuć ludziej
-
«Łukašenka nazvaŭ nas deziercirami». Historyja biełaruski, jakaja ŭ 1970‑ja ŭciakła ź biełaruskaha kałhasa ŭ Litoŭskuju SSR
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca4
Kamientary