Siońnia ŭ Maskvie pavinna była prajści pres-kanfierencyja Naści Rybki — biełaruski, vypuščanaj učora z maskoŭskaha izalatara. Adnak na pres-kanfierencyju jana nie pryjšła. Advakat Dźmitryj Zacarynski patłumačyŭ heta stomlenaściu padapiečnaj.
«Vy razumiejecie, jana praviała dzieviać miesiacaŭ u tajłandskaj turmie, dzie pa małoj patrebie treba było chadzić u kut kamiery, a potym niekalki dzion u turmie tut u Maskvie», — skazaŭ jon.
Jon taksama skazaŭ, što Rybka nie kuplała bilety ŭ Minsk — doŭhaterminovych płanaŭ u jaje niama. Jon taksama abvierh infarmacyju pra toje, što biełaruskija dypłamaty dapamahli vyzvalić Vašukievič ź IČU.
«Cikavaja tut adna historyja. Ja sa ździŭleńniem pračytaŭ u presie, što heta, akazvajecca, pradstaŭniki biełaruskaha MZS vyzvalili Naściu Rybku. Jany nie źviartalisia da Vašukievič, nie naviedvali jaje. My nijakich dypłamataŭ nie bačyli», - rastłumačyŭ advakat.
Nahadajem, što ŭčora pres-sakratar Alaksandra Łukašenki Natalla Ejsmant zajaviła, što kiraŭnik krainy asabista daŭ daručeńnie vyzvalić Rybku.
«Kiraŭnik dziaržavy ŭ kursie hetaj situacyi, pra jaje šmat pišuć u ŚMI. Bolš za toje, prezidentam Biełarusi dadziena daručeńnie nieadkładna zaniacca vyzvaleńniem hramadzianki Biełarusi», — zajaviła ŭčora Ejsmant.
U biełaruskim MZS u svaju čarhu zajavili, što vyzvaleńnie Rybki —«kompleksnaja zasłuha».
Pra Naściu Rybku, joj 28 hadoŭ, stała viadoma ŭ lutym minułaha hoda paśla rasśledavańnia Alaksieja Navalnaha pra mahčymyja karupcyjnyja suviazi miljardera Aleha Dzierypaski i namieśnika kiraŭnika ŭrada Siarhieja Prychodźki. Navalny ŭvažliva pračytaŭ knihu Rybki, dzie taja napisała ŭ tym liku i pra toje, jak uletku 2016 hoda aliharch i čynoŭnik, płavajučy razam na jachcie, nibyta abmiarkoŭvali ŭmiašańnie ŭ amierykanskija vybary. Dziaŭčyna tady była na jachcie siarod inšych dziaŭčat z eskort-ahienctvaŭ.
U kancy lutaha 2018 hoda Naścia Rybka i jašče 7 čałaviek, na čale z uradžencam Biełarusi Aleksam Leśli, zatrymali ŭ Tajłandzie. Pavodle ŭładaŭ, jany arhanizoŭvali «seks-treninhi», nie majučy dazvołu pracavać u krainy. U studzieni 2019-ha zatrymanym prysudzili ŭmoŭny termin i departacyju ŭ Rasiju i Biełaruś.
Paśla prylotu ŭ Maskvu Rybku zatrymali. Zajavu na jaje nibyta napisała jaje siabroŭka Saša Traŭka, abvinavaciŭšy va ŭciahvańni ŭ prastytucyju.
Ciapier čytajuć
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika77
Kamientary