Avijakampanija «Biełavija» sustreła druhi samalot, zabrendavany z kampanijaj Wargaming. Bort pryziamliŭsia ŭ Minsku ŭ 12.12 12 śniežnia, piša Tut.by.
Heta Embraer ERj — 195LR. Samalot prylacieŭ z afarboŭki — va Uljanaŭsku, Rasija. Jaho novym vobrazam u avijakampanii zadavolenyja.
Heta samalot, jaki «Biełavija» kupiła ŭ 2014 hodzie. Jon raźličany na 107 pasažyraŭ (11 miescaŭ biznes-kłasa, astatnija — ekanom).
— My doŭha šukali, dzie pierafarbavać, kala 10 centraŭ pierabrali. U niekatorych nie było volnaha času abo mahčymaści vykanać takuju pierafarboŭku składanuju. Va Uljanaŭsku ŭzialisia za takuju pracu, - raspavioŭ namieśnik hiendyrektara «Biełavija» Ihar Čarhiniec.
U jakuju sumu abyšłasia pierafarboŭka samalota, u avijakampanii nie kažuć, adznačajuć tolki, što ceny na pasłuhu ŭ cełym pačynajucca ad 100 tysiač dalaraŭ. Tut vyjšła daražej z-za składanaści rabot.
Na hety raz samalot zabrendavali i znutry.
Ciapier čytajuć
U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć14
Kamientary