U Biełarusi razvaročvajecca fłešmob, zapuščany hurtom Shuma razam z Kampanijaj pamiaci Mišy Piščeŭskaha Sprava Pi (hieja, jaki pamior paśla bojki kala kłuba).
Pieršym krokam padtrymki kampanii #superparents staŭ klip «Šumy», źniaty ŭ Kijevie: adnu z hałoŭnych rolaŭ u im syhrała transhiendarnaja dziaŭčyna ź Biełarusi Valeryja Šandera, na historyi žyćcia jakoj siužet i zasnavany.
Klip raspaviadaje historyju staleńnia chłopčyka, jaki jašče ŭ škole adčuŭ inšuju połavuju prynaležnaść, za što atrymaŭ ździeki ad adnakłaśnikaŭ i nieparazumieńnie z maci na peŭnym etapie.
«Chutka ja stanu maci, ja nie viedaju, jaki šlach abiare maja dačka, ale ja dakładna viedaju, što chaču prykłaści maksimum namahańniaŭ dla taho, kab jany žyła ŭ hramadstvie, dzie ŭsie ludzi roŭnyja», — patłumačyła Rusia, vakalistka Shuma svajo žadańnie źniać taki klip.
Da fłešmoba #superparents užo dałučylisia baćki ŁHBT-dziaciej: pradstaŭnicy arhanizacyi Terha z Ukrainy i biełaruskaha Community Center.
Rusia z maci ŁHBT-dziaciej.
Usie jany vykładajuć u sacsietki historyi prymańnia svaich dziaciej, prablemy i sprečki, praź jakija pryjšłosia prajści abodvum bakam. Dzielacca svaimi ŭspaminami i tyja biełarusy, jakija niepasredna sutyknulisia z prajavami ckavańnia i nianaviści za toje, što jany nie takija, jak usie.
Kamientary