A parazmaŭlać? Top-7 novych mahčymaściaŭ televizara, pra jakija vy navat nie zdahadvalisia
Dziesiać hadoŭ tamu na tym, jak ludzi «razmaŭlajuć» sa svaim televizaram, była pabudavanaja značnaja častka adnaho viadomaha humarystyčnaha šou. Ciapier hetym nikoha ŭžo nie naśmiašyć: funkcyja hałasavoha kiravańnia stała pryjemnym bonusam pry nabyćci novaha televizara.
I što važna — daloka nie adzinym. Karysnych funkcyj stanovicca ŭsio bolš, i zdajecca, što razabracca ŭ ich nie tak lohka. Tamu šmat chto i praciahvaje pa zvyčcy karystacca samymi prymityŭnymi kštałtu «ukł» i «vykł». A ŭ hety čas televizar źjaŭlajecca vielmi prostaj u kiravańni, ale pry hetym samaj prasunutaj pryładaj u domie.
Čamu my ŭ hetym upeŭnienyja, davajcie raźbiracca na prykładzie televizaraŭ LG OLED z technałohijaj Smart TV i OLED AI TV.
U pieršuju čarhu jany viadomyja ašałamlalnymi vizualnymi efiektami dziakujučy inavacyjnaj matrycy na asnovie piksielaŭ, što padśviečvajucca sami. Z takoj technałohijaj malunak atrymlivajecca navat lepšym, čym u žyćci. Vy tolki ŭjavicie: palitra koleraŭ, jakija možna ŭbačyć na ekranie, składajecca z bolš čym miljarda adcieńniaŭ! I samaje hałoŭnaje — ničoha dadatkova naładžvać vam nie tireba budzie, zastajecca tolki atrymlivać asałodu. A voś pra funkcyi, jakija možna padbudavać dla siabie, čytajcie ŭ našym ahladzie.
Hałasavoje kiravańnie
Opcyja, jakaja budzie cikavaja kožnamu, chto choć raz sprabavaŭ nabrać tekst pultam dla televizara. Z dapamohaj hałasavych kamand vy imhnienna znojdziecie lubimy kanał abo patrebnuju prahramu. Ale heta jašče nie ŭsio: nadvorje na nastupny tydzień, madeli modnych sukienak, samyja vidoviščnyja hały 2018 hoda — niama pytańniaŭ, na jakija televizar LG OLED nie viedaje adkazaŭ.
LG Plus Kanały
Pakupniki televizaraŭ LG OLED majuć dostup bolš čym da dźviuch socień kanałaŭ na luby hust. Pryčym pry prahladzie traciny ź ich vy adčujecie siabie jak u kinateatry: kanały pradstaŭlenyja ŭ HD ci FHD jakaści.
Jašče adna pryjemnaja navina: 30 kanałaŭ sa śpisu (na vaš vybar) možna hladzieć absalutna biaspłatna. Tamu hałasavoje kiravańnie vam dakładna spatrebicca!
Smart TV
Sapraŭdnaja skarbnica videakantentu, jakaja zadavolić zapyty navat samych patrabavalnych hledačoŭ. Dla pačatku — archiŭ z bolš čym 50 tysiač filmaŭ, siarod jakich jość usie haračyja navinki ŭ Full HD, UHD i HDR-jakaści.
Dalej — bolš: samyja papularnyja telepieradačy, sieryjały, šou, kancerty, naviny, spartyŭnyja tranślacyi, pry prahladzie jakich budzie źjaŭlacca vyraznaje adčuvańnie efiektu prysutnaści. Usio dziakujučy biezdakornaj jakaści malunku!
Prostaja navihacyja
Kožny raz prahortvać 200 kanałaŭ abo 50 tysiačaŭ filmaŭ, badaj, nie lepšaja zaduma. Tamu raspracoŭščyki pakłapacilisia pra karystalnikaŭ i raspracavali zručnaje mieniu. Tak, u televizara jość funkcyja Quick Access, jakaja dazvalaje za ličbami na pulcie zamacavać tyja servisy, jakimi vy karystajeciesia čaściej za ŭsio. Heta mohuć być videachostynhi, dadatki abo telekanały. A dla dadatka ivi, ź jakim vy atrymajecie dostup da vializnaj biblijateki filmaŭ, na pulcie jość asobnaja knopka.
Tym, jak budzie vyhladać na ekranie śpis lubimych telekanałaŭ abo paradak dadatkaŭ, vy možacie kiravać sami. Funkcyjanalnaść sučasnych televizaraŭ LG dazvalaje pracavać adrazu ź niekalkimi dadatkami adnačasova, nie začyniajučy ich, a prosta zhortvajučy. A ŭ tečku «Moj kantent», možna adnym klikam dadavać usie filmy i pieradačy, jakija vas zacikavili.
Karysnyja parady
Napeŭna, samaja dziŭnaja z usich funkcyj: z dapamohaj knopki Magic Link televizar sam zmoža padabrać dla vas kantent, jaki vam dakładna spadabajecca.
Funkcyja pracuje pry prahladzie zvyčajnaha telebačańnia i šukaje kantent, padobny tamu, jaki vy hladzieli raniej.
Pult, što zamianiaje «myšku»
Z funkcyjanalnym pultam Magic Remote možna razhledzieć usie detali karaleŭskich strojaŭ u «Hulni tronaŭ» ci raniej za sudździu daviedacca, ci budzie zaličany hoł u važnym futbolnym matčy. Funkcyja Magic Zoom daje mahčymaść nabližać asobnyja elemienty malunka, nie spyniajučy prahlad. Dla hetaha treba zacisnuć knopku Focus na pulcie kiravańnia i navieści jaho na tuju častku ekrana, jakuju chaciełasia b ubačyć bližej.
Adzin i toj ža pult možna vykarystoŭvać dla kiravańnia nie tolki televizaram, ale i inšymi pryładami, naprykład źniešniaj aŭdyjasistemaj, Blu-ray prajhravalnikam abo spadarožnikavym resivieram.
Uzajemadziejańnie ź inšymi pryładami
Praz WiFi televizar moža złučycca ź luboj inšaj pryładaj, u jakoj jość hetaja technałohija. Vy zmožacie na vialikim ekranie, naprykład, pakazvać zdymki, jakija zachoŭvajucca na noŭtbuku ci ŭklučać muzyku z płej-lista, składzienaha ŭ telefonie. I ŭsio heta za paru klikaŭ biez razbłytvańnia biaskoncych pravadoŭ i doŭhaha padklučeńnia.
Jašče adzin pryjemny bonus: zapampavaŭšy dadatak LG TV Plus, vy zmožacie kiravać televizaram z dapamohaj svajho smartfona. A jašče zapuskać prosta na im dadatki Smart TV. Heta funkcyja vielmi spatrebicca, kali pošuk pulta pieratvarajecca u vas ŭ štoviačerni kvest.
My ŭžo viedajem ab vašych płanach na najbližejšy viečar: čas asabista pravieryć, jak heta ŭsio pracuje!
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary