Uładalnik fentezi-siadziby pad Navahrudkam abviaściŭ pra zakryćcio «abjekta praz šmatlikija skarhi na dom»
Siarhiej Koval, uładalnik fentezi-siadziby Litoŭka pad Navahrudkam, abviaściŭ ab zakryćci «abjekta praz šmatlikija skarhi na dom».
«Škadujem, ale vymušanyja zakryć naš abjekt na nieviadomy termin u suviazi sa šmatlikimi skarhami ludziej na dom», — paviedamiŭ uładalnik siadziby ŭ instahramie.
Pra toje z čyjho boku pastupili skarhi, nie paviedamlajecca.
Ab stvareńni hetaj niezvyčajnaj siadziby stała viadoma try hady tamu, kali pradprymalnik Siarhiej Koval na svaje srodki pabudavaŭ u vioscy Litoŭka niezvyčajny aŭtobusny prypynak.
Pradprymalnik Siarhiej Koval, jaki budavaŭ pa susiedstvie dom, aformiŭ prypynak pa matyvach paemy Adama Mickieviča «Hražyna».
Litoŭka znachodzicca ŭsiaho za 2,5 km ad rajonnaha centra. Siudy masava pryjazdžali turysty z usiaho śvietu, kab ubačyć niezvyčajny dom, jaki Siarhiej Koval stvaryŭ na svajoj małoj radzimie, havaryłasia ŭ siužecie prahramy «24 hadziny» na STB.
Pa-pieršaje, tamu što ŭ hetym domie kaliści byvaŭ Uładzimir Vysocki z Marynaj Uładzi. A pa-druhoje, tam usio zroblena ŭ styli fentezi.
Biźniesmien pryznajecca, što ŭ hetym miescy jon hrošy nie zarablaje, a tracić, bo prajekt nie kamiercyjny, a dla dušy: «Ja chaču, kab pra horad Navahradak daviedaŭsia ŭvieś śviet. Uvieś śviet. Heta vialiki horad, heta maja radzima małaja».
Naviedać siadzibu moh kožny, absalutna biaspłatna. Daviedacca pra historyju hetych miescaŭ, atrymać svaju dozu kulturnaha šoku na ekskursii.
«Pobač z domam praz raku zbudavany voś taki mastok, pad jakim mietaličny cmok achoŭvaje kamiennaje jajka. Uvohule, heta miesca va ŭsich vyklikaje roznyja pačućci, ale, biezumoŭna, abyjakavym nie pakidaje nikoha», — adznačałasia na STB.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty23
Kamientary