Lohkamatorny samalot z markiroŭkaj VPS nacysckaj Hiermanii ŭpaŭ na šašy ŭ horadzie Ahura-Chiłz na paŭnočny zachad ad Łos-Andželesa. Pra heta paviedamlaje Los Angeles Times.
Just saw a plane crash on the 101 pic.twitter.com/QUUfG5NzAL
Paśla padzieńnia samalot zahareŭsia, šaša była pierakryta ŭ abodva baki. U vyniku incydentu nichto nie paciarpieŭ. Pavodle źviestak uładaŭ, upaŭ lohki vučebny samalot North American T-6 Texan, jaki vykarystoŭvaŭsia dla navučańnia lotčykaŭ u ZŠA i ŭ Vialikabrytanii padčas Druhoj suśvietnaj vajny.
Jak pieradaje telekanał Fox-10, samalot naležaŭ niekamiercyjnaj arhanizacyi Condor Squadron, zasnavanaj lotčykami časoŭ Druhoj suśvietnaj vajny. Arhanizacyja kiruje muziejami vajennaj avijacyi i pravodzić paloty adrestaŭravanych samalotaŭ padčas paradaŭ i mierapryjemstvaŭ pamiaci vieteranaŭ.
Jak paviedamiŭ telekanału KABC-TV piłot samalota, incydent adbyŭsia z-za prablem z ruchavikom. Kali mator zahłuch, jon pryniaŭ rašeńnie sadzicca na svabodny ad mašyn učastak šašy.
Jak vidać na fota, apublikavanych u sacsietkach vidavočcami avaryi, na kryłach u samalota namalavany kryžy, jakija vykarystoŭvalisia jak apaznavalny znak VPS nacysckaj Hiermanii — Luftvafe.
Ułady pačali rasśledavańnie incydentu.
-
Na Zachadzie nie zaŭvažyli razrekłamavanych vyprabavańniaŭ rasijskaha «Sarmata». U MZS Rasii raskazali, nakolki jany da hetaha abyjakavyja
-
U Kanhresie ZŠA staviać pad sumnieŭ novaje finansavańnie Ukrainy i čakajuć dziejańniaŭ ad Jeŭropy
-
Dokazaŭ hienacydu ŭ Hazie vyjaŭlena nie było — hałoŭny prakuror Mižnarodnaha kryminalnaha suda
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary