U Homieli znajšli kiroŭcu, za jakim hnaŭsia ekipaž DAI, što raźbiŭsia na abjaznoj. Pierad hetym jon vypiŭ 0,7 litra harełki VIDEA
Učora kala 16.00 na homielskaj abjaznoj raźbiŭsia aŭtamabil DAI, jaki hnaŭsia za pjanym kiroŭcam. Parušalnika, jaki sprabavaŭ uciačy, zatrymali tolki ŭviečary.
Čytajcie taksama: Mašyna DAI raźbiłasia ŭ strašnaj avaryi ŭ Homieli. Vidavočcy paviedamlajuć pra paciarpiełych
Za dzień da avaryi 43-hadovy hamialčuk vypiŭ plašku harełki, pavodle jaho słoŭ, 0,7 litra. Ranicaj vyrašyŭ padsiłkavacca litrovaj butelečkaj piva, paśla čaho sieŭ za rul i pajechaŭ na pracu. U druhoj pałovie dnia jon pa-raniejšamu byŭ pjany. Adnak heta nie pieraškodziła jamu znoŭ sieści za rul. U vyniku jon patrapiŭ u avaryju, ale ŭciok. Pavodle jaho słoŭ, jon «spałochaŭsia», tamu što ŭ jaho «patrabavali hrošy za toje, što padrapaŭ» čužoje aŭto.
U toj čas, pakul parušalnik kalasiŭ pa haradskich vulicach, aŭtamabil DAI pajechaŭ u pahoniu. Pry hetym jon urezaŭsia ŭ BMW, a paśla stuknuŭsia ab lichtarny słup i vylecieŭ na abočynu. Paciarpieli aŭtainśpiektary, adzin ź ich da hetaha času znachodzicca ŭ vielmi ciažkim stanie.
Bližej da viečara znajšli aŭtamabil, a jašče praź niekatory čas znajšoŭsia i kiroŭca, jakoha zatrymali.
Kamientary