Dziaržkamitet pa majomaści padrychtavaŭ adpaviednyja prapanovy. Minbudarchitektury prapanuje admovu ad aŭkcyjonaŭ dla ŭsich katehoryj hramadzian.
Dziaržkamitet pa majomaści padrychtavaŭ prapanovy pa ŭniasieńni źmianieńniaŭ i dapaŭnieńniaŭ va Ukaz № 667 («Ab adabrańni i pradastaŭleńni ziamielnych učastkaŭ»).
Ciapier hramadzianie, jakija majuć patrebu ŭ palapšeńni žyllovych umovaŭ, zmohuć nabyvać ziamielnyja nadzieły dla budaŭnictva indyvidualnych žyłych damoŭ na vybar: abo ŭ pažyćciovaje vałodańnie z pravam pieradačy ŭ spadčynu, va ułasnaść, abo ŭ arendu.Vydzialeńnie ziamielnych učastkaŭ u pažyćciovaje vałodańnie z pravam pieradačy ŭ spadčynu prapanujecca ažyćciaŭlać biaspłatna. Uličvajučy toj fakt, što pieradača va ułasnaść i arendu ziamielnych učastkaŭ źjaŭlajecca płatnym pravam, to ziamlu ŭ hetych vypadkach prapanujecca vydzialać pa kadastravym košcie. Dla tych, chto nie znachodzicca ŭ čarzie na palapšeńnie žyllovych umovaŭ, zachavajecca pryncyp aŭkcyjonnaha prodažu i pieradačy ziamielnych nadziełaŭ u arendu.
U Minbudarchitektury taksama ličać, što aŭkcyjonny prodaž nadziełaŭ strymlivaje praces atrymańnia ziamielnych nadziełaŭ pad indyvidualnuju zabudovu. Adnak tut prapanujuć nie abmiažoŭvacca tolki tymi, chto staić u čarzie na palapšeńnie žyllovych umovaŭ, a pakinuć aŭkcyjony tolki dla vostradeficytnych terytoryjaŭ u stalicy i abłasnych centrach, dzie isnuje perspektyva bujnoj zabudovy. Na inšych terytoryjach prapanujecca vydzialać nadzieły biaspłatna abo pa kadastravym košcie ŭsim katehoryjam hramadzianaŭ.
Tym časam, u adnym z abłasnych adździełaŭ Biełhipraziemu paviedamili, što arhanizacyja rychtujecca da pracy pa kadastravaj acency ziamielnych nadziełaŭ.
Kamientary