U stalicy Finlandyi pačałasia sustreča prezidentaŭ Rasii i ZŠA Uładzimira Pucina i Donalda Trampa. Heta pieršyja poŭnafarmatnyja pieramovy dvuch lidaraŭ, piša Bi-bi-si.
Sustreča Pucina i Trampa ŭ Chielsinki była pryznačanaja na 13:00, adnak kartež prezidenta ZŠA zajechaŭ u dvor prezidenckaha pałaca prykładna a druhoj hadzinie dnia. Pucin pryjechaŭ tudy na svaim novym limuzinie «Kartež» krychu raniej. Amierykanski prezident pryjechaŭ z haścinicy, a rasijski — z aeraporta.
U pačatku sustrečy Pucin skazaŭ, što padtrymlivaŭ kantakty z Trampam («My pa telefonie razmaŭlali i sustrakalisia niekalki razoŭ na placoŭkach roznych mižnarodnych mierapryjemstvaŭ», — skazaŭ jon), a prezident ZŠA pavinšavaŭ rasijskaha lidara z paśpiachovym praviadzieńniem čempijanatu śvietu pa futbole.
Tramp adznačyŭ, što mahčymaść naładzić adnosiny pamiž dźviuma krainami jość. «Ładzić z Rasijaj — heta dobraja štuka», - skazaŭ jon i paviedamiŭ, što budzie abmiarkoŭvać z Pucinym pytańni jadziernaj biaśpieki.
«My dźvie krainy, jakija vałodajuć bolš za 90% jadziernaha patencyjału, i heta nie vielmi dobraja reč. Tamu treba rabić usio, kab palepšyć situacyju pa hetym pytańni», — zajaviŭ prezident ZŠA. Akramia taho, pavodle jaho słoŭ, płanujecca abmierkavać pytańni handlu i «pytańni, źviazanyja z Kitajem».
Kamientary