U «Minsk-Arenie» ŭ subotu biaspłatnyja pakatuški na kańkach i śniežki — dzień naradžeńnia płambiru
30 červienia minčuki zmohuć biaspłatna pakatacca na lehiendarnaj ladovaj arenie, dzie hulała «Dynama-Minsk» i vystupaŭ Depeche Mode. U Minsku adznačać dzień naradžeńnia biełaruskaha płambiru — uvachod volny. Kab trapić na katok, treba zachapić svaje kańki i papiarednie atrymać adzin z 300 biaspłatnych kvitkoŭ na sajcie biełypolus.bieł.
Pieršy biełaruski płambir byŭ vypuščany roŭna 80 hadoŭ tamu. «Bieły polus» adnaviŭ stary recept marožanaha, u jakim niama ni adnoj dabaŭki «Je».
U honar dnia naradžeńnia płambiru na adzin dzień kala «Minsk-Areny» pabudujuć tematyčny park zabaŭ «Kraina Maroziva». Śpiecyjalna dla haściej subotniaha śviata adčyniać «Minsk-Arenu», na joj možna budzie pakatacca razam ź simvałam «Biełaha polusa» — palarnym miadźviedziem.
Fiestyval marožanaha choć i prachodzić u samy razhar leta, abiacaje ździvić haściej nie tolki ldom, ale jašče i vielizarnaj kolkaściu marožanaha (arhanizatary padrychtavali bolš za 30 tysiač pačkaŭ płambiru «Bieły polus»), a taksama sapraŭdny śnieh. U samym centry parku zabaŭ źjavicca śniežnaja horka. Na dni naradžeńnia možna budzie ŭspomnić dziacinstva i pahulać u śniežki. Dla amataraŭ ekzotyki praduhledžany letni kiorlinh.
«Kraina Maroziva Beły Polus» sustrenie svaich pieršych «hramadzian» u hetuju subotu a 14:00. Na hałoŭnaj scenie fiestyvalu vystupiać hurty Akute, Shuma, «Raźbitaje serca pacana» i «Małanka Arkiestr».
Kamientary