Učora pajšoŭ z žyćcia viadomy doktar-ankołah, jaki prapracavaŭ u hetaj śfiery niekalki dziasiatkaŭ hadoŭ i da 2009 hoda ŭznačalvaŭ RNPC ankałohii i miedycynskaj radyjałohii imia Alaksandrava Iosif Załucki. Jamu było 67 hadoŭ.
Apošnija hady Iosif Viktaravič pakutavaŭ na ankałahičnaje zachvorvańnie, paviedamlaje Tut.by.
Sp. Załucki byŭ viadomy jak vysokaprafiesijny śpiecyjalist u halinie ankałohii aporna-ruchalnaha aparata, hałavy, šyi, rekanstruktyŭna-adnaŭlenčaj chirurhii. Jon aŭtar bolš 445 navukovych i navukova-mietadyčnych rabot, dziesiaci manahrafij, uładalnik 28 patentaŭ.
U adnym z kamientaroŭ jon kazaŭ, što na raźvićcio raku ŭ tym liku moža paŭpłyvać i stres.
«Stres hraje ŭ kancerahieniezie asnovatvornuju rolu. Pačynaješ razmaŭlać z pacyjentkaj i čuješ: «Ja straciła muža, jon zahinuŭ. Raniej ja była takaja zdarovaja, pracavała ŭ kałhasie, jak koń, nie pakładajučy ruk». I heta moža być jak rak straŭnika, tak i miełanoma skury. Hetaj prablemaj nieabchodna zaniacca vielmi surjozna», - ličyŭ Iosif Załucki.
Raźvitańnie ź Iosifam Załuckim projdzie zaŭtra, 15 červienia, z 12.00 da 13.00 u BiełMAPA pa adrasie: vulica Pietrusia Broŭki, 3.
Kamientary