U kvatery kiraŭnika infarmacyjnaj kampanii BiełaPAN Alesia Lipaja — pieratrus
Śledčyja dziejańni pravodzić Departamient finansavych rasśledavańniaŭ Kamiteta dziaržaŭnaha kantrolu.
Kankretnyja abvinavačańni ŭ adras kiraŭnika infarmacyjnaha ahienctva pakul nieviadoma, bo ŭ kvateru nikoha z kaleh nie puścili.
Pryjechali śledčyja, z saboj pryvieźli ksieraks, ź jakim i padnialisia ŭ kvateru da Lipaja.
Admietna, što siłaviki pryjšli ź pieratrusam u kvateru, jakaja farmalna naležyć nie Alesiu Lipaju, a jaho synu.
Lipaj adrazu ž źviazaŭsia z pravaabaroncam Alesiem Bialackim i da jaho prychodu nie admykaŭ dźviarej.
Da doma, dzie žyvie Lipaj, pryjechali pravaabaroncy Aleś Bialacki, Valancin Stefanovič i Taciana Raviaka, a taksama kiraŭniki Biełaruskaj asacyjacyi žurnalistaŭ — Andrej Bastuniec i Barys Harecki. Lipaj prasiŭ, kab paniatym byŭ chtości ź ich, ale supracoŭniki DFR hetaha nie dazvolili. Nie puścili ŭ kvateru i advakata. U jakaści paniatych śledčyja zaprasili rabotnikaŭ žyllova-kamunalnaj słužby.
Pieratrus pačaŭsia a 7-j ranicy i prachodzić u ramkach kryminalnaj spravy. Jakoj — pakul nie paviedamlajecca.
Telefon samoha Lipaja adklučany. A 14.30 Lipaja pavieźli ŭ Departamient finansavych rasśledavańniaŭ.
BiełaPAN — adzinaje ŭ krainie niezaležnaje infarmacyjnaje ahienctva. BiełaPAN byŭ taksama hienieralnym sponsaram kancerta na Dzień Voli ŭ 2018 hodzie.
52-hadovy Aleś Lipaj viadomy taksama jak aŭtar niekalkich zbornikaŭ paezii i čałaviek vialikaj mužnaści. U červieni 1996 hoda, padčas apieracyi pa vyzvaleńni dziaciej, uziatych u zakładniki terarystam u dziciačym sadku ŭ Minsku, braŭ intervju ŭ terarysta, adciahvajučy tym samym jahonuju ŭvahu na siabie. Lipaj stvaryŭ BiełaPAN jašče ŭ 1991 hodzie i niaźmienna im kiravaŭ.
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie biesić, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
-
U Lidzie pamior 71-hadovy mužčyna. Jaho syn, zborščyk podpisaŭ za Capkału, kaža, što baćku zakatavali da śmierci. Ci tak heta?
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary