Premija Šermana ŭručajecca za najlepšy pierakład mastackaj knihi na biełaruskuju movu. Pieramožca atrymaje ček na sumu, ekvivalentnuju 2000 u.a.
Padać zajaŭku možna da 10 lipienia.
Udzielničać u konkursie mohuć pierakłady mastackich knih na biełaruskuju movu, vydadzienyja ŭ papiarovym abo elektronnym varyjancie ŭ 2017 hodzie.
Pravam naminavańnia na Premiju vałodajuć vydaŭcy, tvorčyja abjadnańni, arhkamitet Premii, siabry žury i sami pierakładčyki.
Ziaŭka pavinna ŭtrymlivać nastupnuju infarmacyju:
a) infarmacyja pra naminatara, što vyłučaje tvor na Premiju: kantaktnyja numary telefonaŭ i adrasy;
b) nazvu knihi, vydaviectva, miesca i hod vydańnia;
v) imia (imiony) pierakładčyka/cy (pierakładčykaŭ) i pa mahčymaści ich kantaktnyja dadzienyja;
h) elektronnyja pdf-viersii vydańniaŭ i, kali kniha vydavałasia ŭ papiarovym vyhladzie, minimum dva papiarovyja asobniki knih. Papiarovyja asobniki prymajucca pa adrasie Sajuza biełaruskich piśmieńnikaŭ (220012, Minsk, vuł. Kuźmy Čornaha, 31-906), elektronnyja varyjanty — na adras: [email protected].
Zajaŭki, dasłanyja paśla 10 lipienia da razhladu nie prymajucca.
Sioleta ŭ skład žury premii ŭvachodziać:
- Lavon Barščeŭski, pierakładčyk, fiłołah;
- Hanna Butyrčyk, fiłołah, zahadčyca kafiedry «Historyja zamiežnaj litaratury» BDU;
- Aksana Danilčyk; paetka, pierakładčyca;
- Dźmitryj Płaks, pierakładčyk, paet i prazaik;
- Maryna Šoda, pierakładčyca, litaraturaznaŭca.
***
Premija za najlepšuju pierakładnuju knihu zasnavanaja ŭ 2016 h. u honar vydatnaha biełaruskaha litaraturnaha pierakładčyka Karłasa Šermana (1934 — 2005) i nosić jaho imia. Suzasnavalnikami premii źjaŭlajucca Biełaruski PEN-centr, Sajuz biełaruskich piśmieńnikaŭ i Mižnarodny dabračynny fond «Viartańnie». Pieramožca premii atrymlivaje ad Dabračynnaha fondu «Viartańnie» ček na sumu, ekvivalentnuju 2000 u.a.
U 2016 h. łaŭreatam premii staŭ Jakub Łapatka za pierakład ź finskaj movy epasu «Kalevała»; u 2017 - Andrej Chadanovič za pierakłady z francuzskaj movy vieršaŭ Šarla Badlera.
Ciapier čytajuć
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika77
Kamientary