Rabotnika Tesla, jaki zasnuŭ z uklučanym aŭtapiłotam padčas pajezdki na Model S, źniali na videa niepadalok ad zavoda kampanii ŭ horadzie Frymant, štat Kalifornija.
«Heta aŭtapiłot novaha ŭzroŭniu abo aŭtamabil całkam aŭtanomny?» — napisaŭ aŭtar rolika. U samoj Tesla paśpiašalisia prakamientavać videa, piša CNET. U kampanii zajavili, što vielmi surjozna staviacca da pytańniaŭ biaśpieki i paabiacali pravieści rasśledavańnie hetaha incydentu.
Za apošni čas było zarehistravana niekalki avaryj z udziełam elektrakaraŭ Tesla. U adnoj ź ich, naprykład, žančyna-kiroŭca śćviardžała, što na momant avaryi na elektrakary dziejničaŭ «aŭtapiłot», a sama jana hladzieła ŭ ekran mabilnaha telefona.
Jak nieadnarazova padkreślivali ŭ samoj kampanii, ciapierašniaja viersija aŭtapiłota nie źjaŭlajecca paŭnavartasnaj zamienaj kiroŭcu. Pavodle instrukcyj vytvorcy, pry ŭklučanym aŭtapiłocie kiroŭcu nieabchodna trymać styrno.
Kamientary