Na Čarnihaŭščynie na miažy ź Biełaruśsiu 4 hramadzianam Rasii admovili va ŭjeździe va Ukrainu, paviedamlaje Radyjo Svaboda.
Jak paviedamlaje pres-słužba ŭkrainskich pamiežnikaŭ, rasiejcy va ŭzroście ad 21 da 28 hadoŭ pierasiakali miažu ŭ punkcie propusku «Novyja Jaryłavičy» aŭtamabilem «Ford».
«Mužčyny nie mahli vyrazna paviedamić metu svajho padarožža va Ŭkrainu i nia mieli paćviardžajučych dakumentaŭ, taksama pamiežniki ŭstanavili, što jany naležać da «ultras» rasiejskaha FK «Tarpieda», — havorycca ŭ paviedamleńni.
Pamiežniki zajaŭlajuć, što pry ahladzie ŭ rasiejcaŭ vyjavili symboliku z «ahresiŭnymi elementami vyjavaŭ fanataŭ—ultras futbolnaha klubu».
26 traŭnia, na stadyjonie «Alimpijski» u Kijevie adbudziecca finał Lihi čempijonaŭ, u jakim zhulajuć «Reał» i «Liverpul». U Kijevie ŭzmocnienyja zachady biaśpieki.
Kamientary