Dziaržava źliła «Jalizava» z Hrodzienskim škłozavodam

Hrodzienski škłozavod nabyŭ na tarhach majomasny kompleks biełaruska-aŭstryjskaj kampanii «Škłozavod «Jalizava» za 36,15 miljona rubloŭ u ramkach adkrytaj pracedury bankructva. Hetuju infarmacyju TUT.BY paćvierdziŭ antykryzisny kiraŭnik «Jalizava» Mikałaj Šaŭkunoŭ.

Hrodzienski škłozavod vykupiŭ budynki ahulnaj płoščaj 44,908 tys. kv. m, abstalavańnie, syravinu i pradukcyju zavoda ŭ Mahiloŭskaj vobłaści.

Pa słovach Šaŭkunova, zavodam cikavilisia čatyry kampanii. «Na tarhach 11 krasavika Hrodzienski škłozavod akazaŭsia adzinym pakupnikom», — skazaŭ jon. U takim vypadku, u adpaviednaści z zakanadaŭstvam, kampanija mieła prava nabyć majomaść, košt jakoha pavialičvajecca na 5%. Pačatkovy košt majomasnaha kompleksu była 35,15 młn rub.

Varta skazać, što raniej majomasny kompleks «Jalizava» možna było nabyć tańniej. «Imavierna, u Hrodzienskaha škłozavoda tolki ciapier źjaviłasia mahčymaść dla kupli», — miarkuje Mikałaj Šaŭkunoŭ.

Padkantrolny dziaržavie Hrodzienski škłozavod dla hetaj ździełki pryciahnuŭ kredyt Biełarusbanka, paćvierdzili na pradpryjemstvie. Hety ž dziaržbank źjaŭlaŭsia najbujniejšym kredytoram «Jalizava». Ci supastaŭnyja hetyja sumy, daviedacca nie ŭdałosia.

U ciapierašni čas zaviaršajecca pracedura ŭklučeńnia škłozavoda ŭ Mahiloŭskaj vobłaści ŭ skład AAT «Hrodzienski škłozavod».

— Abjadnańnia vysiłkaŭ dvuch pradpryjemstvaŭ daść mahčymaść zachavać i prymnožyć viekavyja tradycyi šklanoj vytvorčaści Respubliki Biełaruś, — prakamientavaŭ tarhi dyrektar Hrodzienskaha škłozavoda Juryj Skrypko.

U 2015 hodzie Hrodzienskamu škłozavodu była akazana dziaržpadtrymka ŭ vyhladzie vypłaty za košt biudžetu pracentaŭ za karystańnie bankaŭskimi kredytami. Vyzvalenyja srodki zavod nakiravaŭ na papaŭnieńnie ŭłasnych abarotnych srodkaŭ. Dadzienyja miery dazvolili pradpryjemstvu vyjści na rentabielnuju pracu. «Zavod zaviaršyŭ 2017 hod davoli paśpiachova — z rentabielnaściu 8%», — skazała pradstaŭnica Hrodzienskaha škłozavoda.

Novym biznes-płanam hrodzienskaj kampanii praduhledžvałasia pašyreńnie vytvorčych płoščaŭ. Tamu mahčymaść pakupki zavoda ŭ Jalizava ŭkładvajecca ŭ stratehiju pradpryjemstvy, rastłumačyli na Hrodzienskim škłozavodzie.

«Škłozavod «Jalizava» — biełaruska-aŭstryjskaje pradpryjemstva. Akcyjanierami źjaŭlajucca aŭstryjskaja Foton GmbH (raniej ATEC Holding GmbH) — 65% akcyj, i Dziaržaŭny kamitet pa majomaści Biełarusi (35%). Kampaniju kantralavaŭ viadomy biełaruski biznesmien Alaksandr Muraŭjoŭ, jaki byŭ u minułym hodzie asudžany pa spravie «Motavieła».

• 0
• 0
• 0
• 0
• 0
• 0
• 0
• 0