Restaran kiraŭnictva spraŭ prezidenta chacieŭ pastavić svaju pałatku na Dni Voli
Arhanizatary Dnia Voli ŭ Minsku raskazali pra toje, jak rychtavalisia da śviata i čamu na płoščy kala Opiery byli prablemy z punktami hramadskaha charčavańnia.
Arhanizatary paviedamili, što pakinuć svaju pałatku na fudkorcie žadajučych było vielmi šmat — zajaŭki kampanii pakidali na sajcie arhanizataraŭ. Siarod ich byli i «Kamunarka», i navat restaran kiravańnia spravami prezidenta «Lido» — im arhanizataram pryjšłosia admović. Ale, kažuć, nie pa ideałahičnych matyvach, a z-za abstalavańnia restarana, jakoje nie źmiaściłasia b na nievialikim fudkorcie. Namiotaŭ ź ježaj i kavaj było niašmat, tamu ŭ čerhach davodziłasia stajać pa 30-40 chvilin.
Hety momant arhanizatary tłumačać pierabojami z suviaźziu, z-za čaho apłata kartkami zajmała šmat času, i admovaj horada pierakryć vulicu Janki Kupały, dzie chacieli zrabić cełuju aleju ź ježaj.
— My razumieli, što vialikaja kolkaść ludziej u adnym miescy — heta składana z punktu hledžańnia biaśpieki. Tamu doŭha prasili horad pierakryć vulicu Kupały, tady b kancentracyja ludziej źniziłasia, — kaža Anton Matolka. — Plus była zadumka, što na Kupały budzie stajać vialiki ekran i huk, kudy pojdzie tranślacyja sa sceny. I ŭzdoŭž vulicy stajaŭ by doŭhi fudkort. Ź inšaha boku stajaŭ by kirmaš. Ale horad nam admoviŭ. Tamu, na žal, vyjšła jak vyjšła. Ale ŭ nastupny raz my budziem nastojvać macniej.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary