Vyjaviłasia, što Fejsbuk špijonić za zvankami i paviedamleńniami karystalnikaŭ
U skandał vakoł Facebook padlili smały. Vyjaviłasia, što sacyjalnaja sietka źbiraje infarmacyju ab telefonnych razmovach, a taksama ab adpraŭlenych i atrymanych paviedamleńniach karystalnikaŭ. Jak vyśvietliŭ prahramist z Novaj Ziełandyi Dyłan MakKiej, hetyja dadzienyja zachoŭvajucca ŭ archivach profilaŭ.
MakKiej pravioŭ ułasnaje daśledavańnie, vypampavaŭšy svoj archiŭ dadzienych u sacyjalnaj sietcy Facebook. Vyśvietliłasia, što dakumient źmiaščaje śpis adrasataŭ telefonnaje knihi, infarmacyju ab usich tekstavych paviedamleńniach i zvankach. Pra heta chłopiec paviedamiŭ u svaim tvitary.
Downloaded my facebook data as a ZIP file
Somehow it has my entire call history with my partner's mum pic.twitter.com/CIRUguf4vD
Bolš za ŭsio prahramista ździviła, što sacsietka źbirała mietadadzienyja pra sotavuju aktyŭnaść (praciahłaść zvanka, datu pieradačy SMS-paviedamleńnia i inšaje).
Mnohija karystalniki taksama pravieryli svaje asabistyja archivy ŭ Facebook i vyśvietlili, što MakKiej maje racyju. Naprykład, amierykanski piśmieńnik Met Džonsan raspavioŭ, što infarmacyja ab jaho zvankach hadavoj daŭnaści taksama zachoŭvajecca sacsietkaj. Pry hetym jon śćviardžaje, što amal nie karystaŭsia Facebook: u jaho telefonie byŭ zachavany mabilny dadatak, adnak jon daŭno zabyŭsia pra jaho isnavańnie.
Oh wow my deleted Facebook Zip file contains info on every single phone cellphone call and text I made for about a year- cool totally not creepy.
U kamientarach pišuć, što takaja prablema zakranuła bolšaść smartfonaŭ na AS Android, jakija pa zmaŭčańni sinchranizujuć śpis siabroŭ na Facebook ź śpisam kantaktaŭ mabilnaha.
U padtrymcy sacsietki karystalnikam rekamiendujuć samastojna adklučyć dostup dadatka da adrasnaj knihi, kali im nie padabajecca zbor takoje infarmacyi. Adnak toje, navošta Facebook patrebnyja źviestki ab zvankach i paviedamleńniach, pradstaŭniki sacsietki nie prakamientavali.
Heta — druhi za apošni čas skandał, źviazany z vykarystańniem sacyjalnaj sietkaj Facebook asabistaj infarmacyi karystalnikaŭ.
Kamientary