Paŭnočnakarejski lidar Kim Čen Yn prapanavaŭ prezidentu ZŠA pravieści sumiesnuju sustreču, i Donald Tramp adkazaŭ, što prymaje hetuju prapanovu.
Heta dziŭnaja abviestka była zroblena vysokapastaŭlenymi pradstaŭnikami Paŭdniovaj Karei ŭ Vašynhtonie, što pieradali kiraŭnictvu ZŠA pasłańnie ad paŭnočnakarejskaha lidara.
Pa ich słovach, Kim Čen Yn taksama pahadziŭsia spynić rakietnyja i jadziernyja vyprabavańni, zajaviŭšy, što jon addany idei denuklearyzacyi.
Hetyja paviedamleńni vyhladajuć mahutnym praryvam na fonie ŭzajemnych pahrozaŭ i vajaŭničych zajaŭ.
U pačatku hetaha tydnia delehacyja Paŭdniovaj Karei praviała biesprecedentnyja pieramovy z Kim Čen Ynam u Pchieńjanie, što stała jašče adnym śviedčańniem adtajvańnia dvuchbakovych adnosinaŭ, raspačataha padčas Zimovaj Alimpijady ŭ Paŭdniovaj Karei. Paśla hetaha ŭdzielniki pieramovaŭ z paŭdniovakarejskaj boku pryjechali ŭ Vašynhton, kab pieradać svajo pasłańnie.
Daradca pa pytańniach nacyjanalnaj biaśpieki Paŭdniovaj Karei, vystupajučy pierad Biełym Domam paśla zakančeńnia sustrečy z Donaldam Trampam horača padziakavaŭ amierykanskamu prezidentu za palityku sumiesnaha akazańnia maksimalnaha cisku, a taksama salidarnaść, prajaŭlenuju mižnarodnaj supolnaściu, što dazvoliła dasiahnuć hetaha momantu.
«Kim paabiacaŭ, što Paŭnočnaja Kareja ustrymajecca ad lubych novych jadziernych abo rakietnych vyprabavańniaŭ», - zajaviŭ jon padčas pres-kanfierencyi.
«Prezident Tramp z zadavalnieńniem uspryniaŭ hetuju infarmacyju i paviedamiŭ, što praviadzie sustreču z Kim Čen Ynam da maja z metaj dasiahnuć piermanientnaj denuklearyzacyi», — dadaŭ jon.
Paŭnočnaja Kareja na praciahu apošnich dziesiacihodździaŭ znachodzicca ŭ mižnarodnaj izalacyi z pryčyny rehularnych i staranna zadakumientavanych parušeńniaŭ pravoŭ čałavieka, a taksama sprobaŭ abzavieścisia jadziernaj zbrojaj i srodkami jaho dastaŭki ŭ parušeńnie mižnarodnaha zakanadaŭstva.
Da hetaha času nivodny ź dziejučych prezidentaŭ ZŠA ni razu nie prymaŭ udziełu ŭ pieramovach ni z kim ź lidaraŭ Paŭnočnaj Karei, tak što hetaja sustreča budzie aznačać kałasalny tektaničny zruch u śviecie dypłamatyi.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary