Supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS Respubliki Biełaruś vyjavili złačynnuju schiemu zakupak miedtechniki za biudžetnyja srodki. Suma škody idzie na miljony rubloŭ, paviedamlaje sajt MUS.
Apieratyŭna-vyšukovyja mierapryjemstvy pravodzilisia ŭ ramkach pravierki infarmacyi ab chabarnictvie i złoŭžyvańniach u sistemie achovy zdaroŭja. Vyjaŭlena, što arhanizatarami kryminalnaj schiemy źjaŭlajucca žychary h. Minska. Šlacham padmieny tavarasupravadžalnych dakumientaŭ złamyśniki pavialičvali košt miedtechniki zamiežnaj vytvorčaści i praz padkantrolnyja kampanii (zarehistravany ŭ Biełarusi, Estonii i Vialikabrytanii) ažyćciaŭlali ich pastaŭku dla miedustanoŭ našaj krainy.
Košt abstalavańnia zavyšaŭsia ŭ 2—3 razy, a ŭ niekatorych vypadkach — da 14 razoŭ. Tolki ŭ vyniku vykanańnia adnaho kantrakta na pastaŭku miedtechniki koštam 7 młn jeŭra dla ankadyspansiera ŭ 2014 hodzie na svaich pasrednickich pasłuhach jany zarabili 4 młn jeŭra.
Hałoŭnym śledčym upraŭleńniem Śledčaha kamiteta Respubliki Biełaruś pa materyjałach HUBAZiK u dačynieńni da ŭdzielnikaŭ arhanizavanaj hrupy zaviedzienaja kryminalnaja sprava pa č. 4 art. 209 KK Respubliki Biełaruś (Machlarstva). Apieratyŭniki HUBAZiK zatrymali 12 arhanizataraŭ i ŭdzielnikaŭ machinacyj ź biudžetnymi srodkami.
U chodzie pieratrusaŭ kanfiskavanyja bujnyja sumy zamiežnaj valuty, transpartnyja srodki premium-kłasa, nakładzieny aryšt na nieruchomuju majomaść (kvatery, katedžy). Udzielnikami złačynnaj hrupy ŭ lik pahašeńnia naniesienaj škody dziaržavie ŭžo kampiensavana suma ŭ paŭtara miljona jeŭra.
Kamientary