Hrupa navukoŭcaŭ z ZŠA i Kanady daśledavała karcinu Pabła Pikasa «La Miséreuse accroupie» («Žabračka, jakaja siadzić na kukiškach»). Jany vyvučyli piejzaž, vierahodna, ruki inšaha mastaka, znojdzieny raniej pad płastom farby. Pra svaju pracu navukoŭcy raspaviali na štohadovaj kanfierencyi Amierykanskaj asacyjacyi sadziejničańnia raźvićciu navuki, jakaja prachodzić z 15 pa 19 lutaha ŭ ZŠA, pieradaje «Indykatar».
Aŭtary daśledavańnia ŭžyvali mietady skanavańnia, jakija vykarystoŭvajuć śviatło roznych dyjapazonaŭ.
Pra toje, što pad partretam žančyny schavany piejzaž, navukoŭcy ŭžo viedali, a ciapier jany zdoleli razhledzieć jaho padrabiaźniej. Taksama aŭtary pracy zmahli ŭbačyć pramiežkavyja varyjanty karciny.
Navukoŭcy vyznačyli, što svaju karcinu Pikasa napisaŭ pavierch pracy inšaha mastaka, paviarnuŭšy jaje na 90°, pryčym linii piejzažu źnikli nie całkam.
Naprykład, krai skałaŭ pieratvarylisia ŭ liniju śpiny žančyny. Akramia hetaha, navukoŭcy prasačyli źmieny ŭ samoj karcinie: spačatku Pikasa namalavaŭ žančynu z dyskam (mahčyma, talerkaj) u pravaj ruce, a potym «schavaŭ» ruku pad nakidku.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary