Pradprymalnik Uładzimir Lisin na źjeździe Rasijskaha sajuza pramysłoŭcaŭ i pradprymalnikaŭ vyrašyŭ ździvić Uładzimira Pucina «zhvałtavańniem traktarysta».
Miljarder padčas svajho vystupu vyrašyŭ raspavieści stary saviecki aniekdot. «Kałhas, idzie schod, ustaje staršynia i kaža: u nas prablema — pasiaŭnaja na nosie, a kaval zapiŭ, treba niešta rabić», — pačaŭ Lisin.
Dalej u humarystnym apaviadańni čalcy kałhasnaha schodu prapanoŭvajuć: lačyć kavala, pazbavić jaho premii, nabić mordu, adnak staršynia adchilaje ŭsie prapanavanyja kałhaśnikami varyjanty, bo kaval u kalektyŭnaj haspadarcy ŭsiaho adzin, i jaho košt na vahu zołata.
«Ciahniecca ruka: a davajcie jaho zhvałcim. Staršynia kaža: vy čaho, z hłuzdu źjechali, što za prapanovy? Ciahniecca druhaja ruka: a davajcie zhvałcim traktarysta. A čamu traktarysta? A tamu što ŭ nas ich dvoje», — skončyŭ aliharch pad śmiech u zale i paraŭnaŭ hety aniekdot ź ciapierašniaj niaprostaj stanoviščam u Rasii, maŭlaŭ, «heta situacyja z našaj praktyki, my časam takim čynam prymajem rašeńni».
U svaju čarhu, Pucin prapanavaŭ zamiest nieprystojnych žartaŭ Lisina alternatyŭny varyjant aniekdota.
«Vałodzia, a Vałodzia, nu raspavioŭ by pra dajarku chacia by! Što ty ŭsio?! Kudy vas ciahnie?!» — adžartavaŭsia rasijski lidar.
«Skazał by pro dojarku chotia by! Kuda vas tianiet?!»: Oliharch Lisin rasskazał Putinu aniekdot pro iznasiłovanije traktorista pic.twitter.com/5fWoecHJMP
Biźniesmieny adreahavali na prapanavanaje Pucinym varyjant hučnym rohatam, piša mk.ru.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary