Alaksandra Łukašenku zaprasili ŭ Ryhu, dzie ŭ červieni projdzie narada pa jadziernaj biaśpiecy. Pra heta TUT.BY raspavioŭ dziaržsakratar MZS Łatvii Andrej Piłdehovič.
Narada krain ES pa jadziernaj biaśpiecy projdzie ŭ Ryzie ŭ červieni. Łatvija na im budzie staršynstvavać u hrupie pa raspaŭsiudžvańni jadziernych materyjałaŭ. Łatvijski bok zaprasiŭ da ŭdziełu i Biełaruś.
- Zaprašeńnie dla Biełarusi jość, asabista dla prezidenta. Daty jašče budziem prapracoŭvać. Ale nam zdajecca, što vielmi važny kantakt na ŭsich uzroŭniach, — raspavioŭ dziaržsakratar MZS Łatvii Andrej Piłdehovič.
Na hetym tydni ŭ Minsk z aficyjnym vizitam pryjazdžała delehacyja Łatvii na čale z premjer-ministram Marysam Kučynskisam. Premjer Łatvii sustreŭsia z Alaksandram Łukašenkam, jaki padziakavaŭ łatvijskamu boku za toje, što jon nie krytykuje Biełaruś za budaŭnictva ŭłasnaj atamnaj stancyi.
«Hetaja stancyja biełaruskaja. My idziem da hłabalizacyi, miežy ŭsio bolš ścirajucca. Pryjdzie čas, kali heta budzie darobak ahulny — Biełarusi i Łatvii», — skazaŭ Alaksandr Łukašenka.
Darečy, heta ŭžo nie pieršaje zaprašeńnie biełaruskamu kiraŭniku ad Łatvii. U minułym hodzie jon dvojčy atrymaŭ zaprašeńnie naviedać krainu.
Ciapier čytajuć
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca9
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1313
Kamientary