U subotu nočču i ranicaj pad upłyvam atmaśfiernych frantoŭ na bolšaj častcy terytoryi krainy projduć mokry śnieh, doždž, u asobnych rajonach — mocny mokry śnieh i jaho nalipańnie, miescami tuman, hałalod.
Dniom nadvorje krychu palepšycca. Mokry śnieh z daždžom čakajecca tolki pa ŭschodzie krainy. Na asobnych učastkach daroh zachavajecca hałalodzica.
Minimalnaja tempieratura nočču składzie -1 … -7°S, pa paŭdniovym uschodzie krainy 0 … +2°S, maksimalnaja tempieratura dniom -2 … + 4°S.
U niadzielu, 4 lutaha, čakajecca niekamfortnaje vietranaje z apadkami nadvorje. Na bolšaj častcy terytoryi krainy projdzie śnieh, razam z mocnym paryvistym vietram i zaviruchaj. Pa paŭdniovym uschodzie krainy — praciahłyja mocnyja apadki (u asnoŭnym, mokry śnieh), miescami hałalod.
Pavodle papiarednich raźlikaŭ sinoptykaŭ, miescami pa paŭdniova-ŭschodniaj pałovie krainy pryrost śniehu składzie 10-15 sm. Na niadzielu abvieščana papiaredžańnie ab mocnym vietry pa krainie i mocnych apadkach pa paŭdniovym uschodzie krainy.
Padmarozić, tak što darohi buduć ślizkimi. Tempieratura pavietra na praciahu sutak składzie -2 … -8°S, pa paŭdniovym uschodzie kala 0°C.
U paniadziełak, 5 lutaha, z rostam atmaśfiernaha cisku nadvorje nadvorje palepšycca, ale tempieratura praciahnie źnižacca. U asobnych rajonach nie abydziecca biez karotkačasovaha śniehu, na darohach budzie ślizka. Nočču pa ŭschodniaj pałovie — mocny paryvisty viecier.
Tempieratura pavietra minimalnaja nočču panizicca da -7 … -14°S, pa paŭdniovym zachadzie składzie -5 … -6°S. Maksimalnaja dniom — u miežach ad -3°S pa paŭdniovym zachadzie da -11°S pa paŭnočnym uschodzie krainy, paviedamlaje Tut.by.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary