Umacoŭvaje imunitet, narmalizuje pracu ŭnutranych orhanaŭ, palapšaje skład kryvi i zaradžaje enierhijaj — heta daloka nie poŭny śpis karysnych ułaścivaściaŭ miodu. Praŭda, čaroŭny efiekt supravadžaje tolki naturalny pradukt. Jak vybrać toj samy miod i čym adroźnivajucca jaho vadkaja i hustaja, kryštalizavanaja kansistencyi — raźbirajemsia razam z kiraŭnikom kampanii «Krainka», pčalarom Uładzimiram Sieradoj.
Husty abo vadki?
Niekatoryja pakupniki ličać, što lepšy miod — vadki, ale heta niapravilnaje mierkavańnie: naturalny miod byvaje jak vadkim, tak i kryštalizavanym. I toj, i druhi adnolkava karysnyja.
«Pry zachoŭvańni miodu nieabchodna ŭličvać, što jon moža sadzicca (u narodzie —«zacukroŭvacca», u navukovym razumieńni — kryštalizavacca). Chutkaść farmavańnia kryštalaŭ zaležyć ad hatunku miodu i tempieratury navakolnaha asiarodździa. Chutčej za ŭsio kryštalujecca miod z rapsu, słaniečniku, hrečki, pavolniej — z akacyj. Pry hetym jakasnyja pakazčyki ŭ zacukravanym miodzie nie paharšajucca», — raspaviadaje spadar Uładzimier.
Da kanca hoda balšynia miodaŭ, vyrablenych u Biełarusi, stanovicca zakryštalizavanaj. Kali vy chočacie zrabić miod bolš vadkim, Uładzimir raić zaniacca hetym doma samastojna:
«Možna raspuścić miod na paravoj łaźni: heta značyć nahravać nie samu kansistencyju, a taru z vadoj, u jakuju zatym apuskajecca jomistaść ź miodam. Uličvajcie, što niepažadana rabić heta pry tempieratury bolš čym 37—40 hradusaŭ».
Časam pry zachoŭvańni miodu na jaho pavierchni možna razhledzieć druzły płast, bolš śvietły, padobny na cukar-piasok. Tut taksama niama ničoha strašnaha. Takaja źjava charakterna dla stałaha miodu z pavyšanym utrymańniem hlukozy i nizkaj masavaj dolaj vady. Prosta źmiašajcie płasty i ŭ budučyni zachoŭvajecie słodyč pry bolš vysokaj tempieratury (nie bolš za 20 hradusaŭ).
«Jość i jašče adzin vid miodu: krem-miod. Jaho rychtujuć pa peŭnaj technałohii ź miodu luboha hatunku. U pracesie svajho pieraŭtvareńnia jon nijakim čynam nie hublaje pieršapačatkovych ułaścivaściaŭ. «Piaščotny» miod taksama hajučy, karysny i smačny», — dadaje pčalar.
Jak bačycie, pytańnie nakont taho, pradukt jakoj kansistencyi bolš karysny, adpadaje.
Darečy, tym, chto sočyć za svaim zdaroŭjem, daśviedčanyja pčalary rajać źviartać uvahu nie tolki na tradycyjny miod, soty, ale i na inšyja pradukty pčalarstva, naprykład piarhu.
«Z punktu hledžańnia karyści dla zdaroŭja piarha, abo pčaliny chleb, źjaŭlajecca sapraŭdnaj bombaj. Hetaja pyłok raślin, sabrany miedanosnymi pčołami, vykładzieny ŭ vočki sotaŭ, zality miodam i zakansiervavany, utrymlivaje praktyčna ŭsie viadomyja vitaminy, dziesiać niezamiennych aminakisłot, paŭsotni fiermientaŭ, dziasiatki mikraelemientaŭ… Kvietkavaja pyłok, prapolis — usio heta taksama vielmi karysna dla arhanizma. Tamu nie bojciesia ekśpierymientavać i sprabavać novyja pradukty pčalarstva», — zaklikaje ŭładalnik internet-kramy miedtut.bieł Uładzimir Sierada.
Dadamo, što i sami pčoły daŭno vystupajuć u jakaści lekaraŭ. Z dapamohaj appiterapii, abo pčołaŭdžaleńnia, možna pavysić hiemahłabin, panizić chalesteryn i pazmahacca z aterasklerozam.
Niekalki narodnych receptaŭ ź miodam
Razabraŭšysia z tym, na jaki miod źviartać uvahu ŭ asieńnie-zimovy pieryjad, prapanujem vam niekalki efiektyŭnych narodnych receptaŭ na jaho asnovie. Jany nie tolki ŭzmocniać supraćstajańnie prastudzie, ale i palepšać stan skury tvaru i vałasoŭ.
Vitaminy ŭnutr
1. Vaźmicie sok adnaho limona i źmiašajcie sa 100 hramami miodu. Prymajcie na noč pierad snom pa 1 stałovaj łyžcy razam z haračaj harbataj.
2. Korań imbira (300 hramaŭ) drobna parežcie ci natrycie na bujnaj tarcy. Źmiašajcie z sokam adnaho limona. Zalicie sumieś kipieniem. Važna! Dadavajcie miod (kala 150 hramaŭ) tolki ŭ ciopły napoj, inakš jaho karysnyja ŭłaścivaści prapaduć. Picie taki čaj 3 razy na dzień.
3. Kali vy lubicie małočku, to abaviazkova acenicie nastupny recept: raźmiašajcie 1 stałovuju łyžku miodu ŭ šklancy haračaha małaka i prymajcie takuju sumieś na noč na praciahu 7 dzion — napoj nie tolki dobra adabjecca na imunitecie, ale i palepšyć son.
Dla vonkavaha prymianieńnia
Maska na asnovie miodu i jajka (padydzie dla suchoj skury)
Vaźmicie 1 čajnuju łyžku miodu i 1 jajka — raźmiaścicie ich u nievialikaj jomistaści. Usio heta staranna źmiašajcie. Paśla nanoście substancyju na tvar pa masažnych linijach. Takoj maskaj karysna pieścić nie tolki tvar, ale i šyju, a taksama zonu dekalte. Patrymajecie jaje na ciele 20—30 chvilin i zmyjcie prachałodnaj vadoj.
Maska z aŭsiankaj (padydzie dla tłustaj i kambinavanaj skury)
Źmiašajcie 1 stałovuju łyžku razmočanych šmatkoŭ aŭsianki z 2 čajnym łyžkami miodu. Naniasicie sumieś na 20 chvilin (možna jak na tvar, tak i na cieła). Takaja maska kłasna adbielvaje, siłkuje i tanizuje skuru, dapamahaje spravicca z pašyranym porami i vuhrami.
Maska dla vałasoŭ (umacoŭvaje i dapamahaje pazbavicca ad pasiečanych končykaŭ)
Vaźmicie 1 stałovuju łyžku naturalnaha miodu, dadajcie da jaho 1 kurynaje jajka i 2 stałovyja łyžki aliŭkavaha aleju chałodnaha adciskańnia — staranna źmiašajcie da atrymańnia adnastajnaj masy. Naniasicie sumieś na vilhotnyja vałasy (možna brudnyja) pa ŭsioj daŭžyni. Dalej nadzieńcie cełafanavuju šapačku i ŭchutajcie vałasy ručnikom. Pakińcie ich u takim stanoviščy na 30—40 chvilin. Zmyjcie miakkim šampuniem. Rekamiendujecca ŭžyvać masku dva-try razy na miesiac.
Nie vyklučajem, što z ulikam stolkich bonusaŭ ad pčoł, vy sami zachočacie padacca ŭ bortniki. Jakoje dla hetaha treba abstalavańnie, my ŭžo pisali raniej. Kupić jaho možna ŭ internet-kramie miodtut.bieł abo pa adrasie: vuł. Kazinca, 42, Minsk.
TAA «Krainka» UPP 691589626
Kamientary